Lucas 20:14 - Sinia' Jlamtis 1994

¹⁴ Ijliu'ne paka. I'winis jiwek ilia'm papo inkijmayewos, iyoyis'ne 'ate ti inijlok'ijin'ni, “'Nak jlas ja anechiyas, siu'nie ja jikimita ni ajnat. ¡Jalianajna'aja!”

Lucas 20:14 Iomraidhean Croise

Mateo 16:7

Iyo'ne 'ate japo t'eyasajnas ti ipi'yayeyis: —Lajk'i puwa woyejes ka tiuniejen'ni, nakt'e it'imina ti kia'iyo.

Mateo 21:34

Yiyi siupi k'ie' ti 'yoyeta'a puwa ts'ejnietio', ijliu'ne papo jikawos ka jitiej inayi ka poye japa ka inlesank'iye.

Lucas 19:47

Wikie'eyi puwa jlomas ti Jesús taka'neyasan'ni yi'i japa Sinia' ji'wuk. Jlam'ne pet siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, siu'neje papo anechiyasas ijia yiji jlaja isi'.

Lucas 20:13

'Yina yiyi jlaja siupa jikimet pa ajnat iyo'ne 'ate, “¿Tepat'e jayoyi?” Itienkiun'ni'ne ti iyo'ate, “Ja ijliu'ne ni yas, siu'nie ti wuj ti emi'n, ent'a ja tik'iukie'ne jla'yi ti ja lajak'i wek pa ja tiwonaja, kajeyepa ti ja ke injweyisie.

Lucas 20:15

Ijiatjliyi isimits'i'ne, ilianis'ne, sekyi'i ti itietayisi 'wechaja pa inwasok.” Jesús iyone'ne 'ate papo i'nio': —Siupi jikimet pa ajnat, ¿tepi iyo? ¿Tempet siupa jijwela' ka inwone papo inkijmayewos?

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Lucas 20:5

Sekyi'i ti ini'yasisie papo i'nio' ti iyo'ate: —¿Tepat'e jayoki? Siut'itie ka yok'iate, “Tal Siniayi”, janwo'ate “¿Yot'iyi'ni jiat'eje ti jikakiuye?”

Lucas 22:2

Siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, iyoyet'iyisijyimpe siupa janwonisi ka tiliana pa Jesús, lapakawo ti je ijwiyisie papo i'nio', it'imina'ne ti inijwekisi siupi iyoyisi.

Hechos 2:23

Je woyejliyi ti tekiajlaja'ase, kajeyepa ti pajk'i ta'a jlam pa Sinia' ti itime siupi janwone; siupi jiwonayi ti jik'iejwata'yi japa cruz ti jiliana', ti jijliuyeyeje papo i'nio' siupapo lajk'iyi paka woyi, ti je isis.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

Hebreos 1:2

'Nakayi siu'niwa jlomas yi' jlaja, jlas pak iyoyi ji'niayija' ti i'yasts'e. 'Yina je 'wena 'neje paka intajlate siuti ilisanayi 'ni ajnat siu'neje ni poli, wikie'eyi niwa wask'i'nelaja ti ti'wena, 'yina naka'ne ni siunie yikiajle ti jakimita niwak wask'i'nelaja.