Lucas 20:1 - Sinia' Jlamtis 1994

¹ Yit'iyipe japa jloma, Jesús yits'e yi'i jlaja 'najla'wet ti taka'neyasa'n, ti 'yiyasajne'n papo i'nio', ka 'najane paka wone pa Sinia' jika'niye ti 'es. 'Nesat'i'nijpe papo pa'yijis jika anechiyasas, siu'neje papo taka'neyasane pet pa Moisés jika'neyasajnaye, jla'yisik'i siupapo kijilas jle' po',

Lucas 20:1 Iomraidhean Croise

Mateo 26:55

Sekyi'i ti kiak iyonayi japo i'nio': —¿Yot'iyi'ni ti jiwoye astesajnatisie', jla'yi ti jiwoye ask'iulisie', ti jiniamak'i, siwonayeyi 'ate ni i'nio' kajlajnata? Jlam'ne wikie'eyi kiwa jlomas ti si'wenayeta'ni ka jakayetaja ka akimak'i'm.

Lucas 20:2

i'yasat'iyisimpe pa Jesús ti iyo'ate: —¿Tepa taj'le ni ajweye, siuti jikajli ti jiwoyi niwaka? ¿Tempi iwi'na'm?

Lucas 8:1

Yam'niji pak siupa iyot'iyipi pa Jesús, 'yina yam'ne ti iniuk'i'ni puwa isi'il, jla'yi puwa ji'wetis jilis papo i'nio', ti iyoyi jlamtikie' puwa Sinia' jlamtis ti isis, ti ijwi'il pa jika anechijiayas. Siojopo t'eyasajnas ti itijwa'm niwa sikioye times tom'niji 'yuninisk'i,

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Hechos 4:1

Pedro jla'yi ja Juan jet'i ilitajasipe ti takamtijniene papo i'nio' ti 'nesat'i'nijpe papo pa'yijis jika anechiyasas, siu'neje papo Saducéojos, siu'neje pa tokis jika anechiyas tijna'yi japa Sinia' ji'wuk.

Hechos 6:12

'Yina siuti kia'iyo, ijwisin'ne papo i'nio', siu'neje papo kijilas t'ipi, jla'yi papo taka'neyasane pa Moisés jika'neyasajnaye. T'ekiyet'iyisijpe pa Esteban, isimits'i'ne ti 'yutits'i a'laja'm. Sekyi'i ti yamayisi ti itiunisi papo jlosikis jiwos, siupapo jlamt'iyijipe.