Lucas 2:9 - Sinia' Jlamtis 1994

⁹ Yisi'lietk'i papo i'nio' sontas jiwos siupa Sinia' jijliujwanik poli jlele ti yiyet'iyipi, sekyi'i Saka'niona jijweye jla'al itijw ape'e, wuj ti jnots'ijnits'i.

Lucas 2:9 Iomraidhean Croise

Mateo 1:20

Ijiatjliyi wakal siupi jitienkiujnieye iyone, ti Saka'niona jijliujwanik poli jlele yiyet'iyipi pa José ti ijwijliane ti i'wi'in. Iyone'ne 'ate: —José, David jlas, ká anit'ajanit'ni. Ki'm ilia'm jana María. Weyi, kajeyepa ti siunie kia'le ni ja jlasa' jantajla jana Sinia' jikimet ti 'es.

Lucas 1:28

Injlojwanik poli jlele 'yuyi'ni siupa yi'i jlaja María, sekyi'i ti iyonayi 'ate: —¡Ampey! ¡Sinia' ijniejiet'a'm ni jikap'ijliuskiye! ¡Saka'niona yi'ajap!

Lucas 2:8

Pak siupa ajnaj po' papo i'nio' siupapo i'yena puwa sontas ojwe, 'yakama'a jlaja Belén.

Lucas 24:4

Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi.

Juan 12:41

Siupi Isaías, kiak iyone kiwa jlamtis lapakawo ti i'wi'in pi jijweye iyo ja Jesús, siu'neje ti ijwi'il siupa janwo.

Hechos 12:7

Jlam nesi'liet'iyijpe ti 'yaka pa Saka'niona jijliujwanik poli jlele, jla'al itijwayiji'n kiajwe japa insat jiwe. Siupa injlojwanik poli jlele isiejts'e'ne ja Pedro ti 'yujwat'ni, iyone'ne 'ate: —¡Jlam woni'ni 'ateye, neppijia'm! Ta'a'ne ti iniuk'iji'n puwa wikijnies t'aka'a, ti t'ekijyits'i.

Hechos 27:23

Siukia ajnaje injlojwanik poli jlele ini'wenkink'i'm tajle siunie Inia' pet ti ajonit,

Hechos 5:19

Ajnaj ti Saka'niona jijliujwanik poli jlele ijyijlat'ik'ipe ti 'yajliniti ti iliejnamk'i puwa 'wuk kiwitawa p'otis japa insat jiwe, sekyi'i iyonat'iyijpe 'ate ti itionak'i kisie'e:

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 12:21

Ijiatt'iyijpe wat ti jwesie siupa iyo ti i'wi'in papo i'nio', ikajlieteje pa Moisés t'ipi ti kia'iyo ti iyo'ate, “Sikititiyeyi'ni ti je sijwe'.”

Apocalipsis 18:1

Yam'niji kiaka, sekyi'i ti a'wenaja ja injlojwanik poli jlele kiecha na'm isia'm ti tal poliyi, jijweye jinia' ti na'am, siu'neje ja jla'al kia'iyojliyi, jak je iyoyiji siojo jla'al itijwi'n ape'e 'ni ajnat.

Apocalipsis 20:11

Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.