Lucas 2:47 - Sinia' Jlamtis 1994

⁴⁷ Siupapo ipi'ya jlam jnots'inijits'i, kajeyepa ti i'winis ti 'yije'en pa kia'le, jla'yi ti kiak je iyo paka inkiujlie papo.

Lucas 2:47 Iomraidhean Croise

Mateo 13:54

ijioyi siujlieja ajnat ji'wet jla'am. Ijioyits'i jawa t'ajla'wetis jla'am japo i'nio', yijits'i jawa isi'il jilis, ti taka'neyasane ni Sinia' jika anechijiayas. Ka wojlijinipi japo i'nio' ti ipi'yajanisiepe, sekyi'i ti kiak iyoyeyisi: —¿Tepit'i iyo 'ni i'nio'? ¿Tepit'i iniwone siuti 'yijene, jla'yi ki iyo ti i'winki'n siuniwa ti ikaniti'n napo i'nio' ti i'winatajas?

Mateo 22:33

Ti ipi'yayisie ti kia'iyo ja Jesús, 'yina kawojlit'iyisipi pa japo i'nio' ti ipi'yayisie ja jika'neyasajnaye.

Mateo 7:28

Ti Jesús iliyeyi ti tamti, wuj ti yisi'lietk'i japo i'nio', kajeyepa ti 'yaka pi iyo ti iniajmat pi jijweye iyo, je iyoye 'ate siojopo jiwos pet pa Moisés jika'neyasajnaye, ti ijwil ka inka'neyasajne'n.

Marcos 1:22

Siupapo i'nio' ti its'iuyisie pa iyo ti taka'neyasa'n kawojlijiyinisipi pa lapakawo ti 'yakaja'a pa iyo pi jijweye ti tamti, 'yina siupapo taka'neyasane pak Moisés jika'neyasajnaye je ijlien'ni ti ijwi'il ka inka'neyasajne'n pet.

Marcos 11:18

Siupapo pa'yijis jika anechiyasas siu'neje papo jiwos pet pak Moisés jika'neyasajnaye, ti t'ijieyeyisi pa iyo ti tamti, 'yina iyoyeyisijyi'n paka ji'niayija' ka inlanis. Lapakawo ti je ijwiyisie, 'yaka ti'niejmaki pa t'eyasajnaye iyo.

Marcos 6:2

Ti yiyeyi siojopa jloma ti i'nio 'wanjlijyi'n, ijioyeyi japa 'najla'wet sekyi'i ti taka'neyasana. Jlam'ne siupapo i'nio' ti je pini' ti ipi'yayisie init'ipa 'yenape papo i'nio' ti ipi'yayisie, ka iwojlinijisipi pa ininekiajlayisi ti iyoyis 'ate: —¿Tepat'i yi'ipe ti ini'neyasa'n? ¿Tepat'e tajle'e siunie ijiate ti 'yije'en ni i'nio' siu'neje ni ti 'yijene pi iyone ti ijwiejiet pa?

Lucas 2:18

'yina siupapo ipi'ya jnots'inayijits'i'ni.

Lucas 2:46

Jika jlomas najape ti iyoyisijyin'ni ti jiwekie'aja t'ipi ti i'winis, ti yits'e 'najla'wet japa yi'i, yijin'ni seka'a jikiowe'e siupapo i'nio' iniwojwa'n jiwosa' pa Moisés jika'neyasajnaye. Jlam its'iuye'ni papo siupa iyo pa ijwilis, jlam taka'yasanjli'ni.

Lucas 4:22

Je jlase' pi iyo papo i'nio', ti ipi'yayeyis puwa jlamtis ti iyo, jnots'inayijits'i'ni, ti iyoyits'i 'ate: —¿Je 'nak José jlas?

Lucas 4:32

Kawojliyi papo i'nio' t'ipi ti ipi'yayeyis siupa iyo ti taka'neyasa'n, kajeyepa ti jijweye po' ti tamti.

Juan 7:15

Jlam jnots'iniji japo Judíojos ti ipi'yayis siukia iyo ti tamti. Iyoyis'ne 'ate: —¿Yot'iyi'ni ti 'yijen jwajla'aja, jejie'e ti'wena ka ini'neyasa'n?

Juan 7:46

Iyo'ne 'ate japo tokis ti isiujlie: —¡Lajk'ipa ka kia'iwo puwa ka jlamtisie', siunie iyo ti tamti!