Lucas 19:9 - Sinia' Jlamtis 1994

⁹ Jesús iyo'ne 'ate: —Siu'nie jloma Sinia' ijwiejiet siu'nie i'nio', jla'yi napo ji'wet jlele, 'naka 'ni tajla papo Abraham t'ipi.

Lucas 19:9 Iomraidhean Croise

Lucas 13:16

¿Tepi iyo pet siujlie'e i'nioki? Napok tajla'm pet siunapo Abraham jilis t'ipi, dieciocho niwa najkapis ti imosik iliaki ti ilie'nit, iyone ni jiliaye. ¿Jet'imi 'esiji pet ka tilienaja iyo ni jiwet'ia ti imosik iliaki, ka tenajaja janak jloma ti i'nio 'wanjlijyi'n?

Lucas 13:30

“Jak je iyoyiji siunapo nak nojwaja'm, ti 'wanjlik'i isia'm siu'nie jloma, napok janank'iji'n pet, jlampet siunapo inian'ni siu'nie jloma, napok ja 'wanjliyek'iji pet isia'm.”

Lucas 16:24

'Yina 'yakets'iyet'ijiappe ti tan'ni, ti tane'ni pa Abraham, ti iyo'ate, “¡Atajla'm Abraham, sip'elisin wata'a! ¡Jloye ni Lázaro ka 'notia'm ni i'niat jana jijwuki jlase' jlaj, ka namik'i kants'atitk'i 'ni ipiajnat, je siliayi siu'nie jwat ti ajyi!”

Lucas 16:30

Iyo'ne 'ate pak i'nio', “Ijiatataja wek atajla'm Abraham, siuka poye pa i'nio' ka inapi pijia'm ka intal a'noyi ka ijnoyi, ininekialtaja'ni wek.”

Lucas 2:30

'Esiji, a'we'en 'ni Injwajieti ti k'iejli yiji'n,

Lucas 3:8

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

Romanos 4:16

'Yina kiakt'i iyopi, jak je iyoyiji siupa Sinia' iyont'iyijipi pa Abraham ti ijwijla'm, je tak'emisie'n jiwekie'e kajeyepa ti pak it'imina ti je 'yakakiu. 'Yina kiaka'ne pet ti 'yakajanitk'i ti tajle nak jikap'ijliuskiye ni Sinia' ka 'esieyi wikie'eyi siunapo jilis pa Abraham, siu'neje papo tomik'i pijia'm, ka iyot'e jla'mate, je napokata siunapo iyoyi ni inka'neyasajnaye ka 'esieyi, 'yina siunapo ti je 'yakakiu pa Sinia' kia'iyo 'esi pet, siunapo ti iyo'ate pak Abraham ti je 'yakakiu. Ijiatjliyi kia'iyo'ni, Abraham pak sinia' ti kaswikie'eyi,

Gálatas 3:14

Siuti Sijwajieti kiak iniwone, 'ate iyo ni 'najanayi, lapakawo ti iyojonk'iye pet ka neyi siunapo i'nio' ti je Judíojos siunie 'es ti ijwijla'm pa Abraham. Kajeyepa ti ijiate ti je akakiuk pa Jesús ti paka ti injwajieti ti Sinia' ijliu', sekyi'i kaswikie'eyi ti yits'e janak Sinia' jikimet siojopa ijwilt'ipi jla'am pa Sinia'.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 3:7

Jak je iyoyiji 'esiji ka 'najanayi paka wonayi ti siunapo ijiate jla'am ti Abraham jilis napoka ti je 'yakakiu pa Saka'niona.

1 Pedro 2:10

Siukiwa jlomas ti pajk'i tiwet'ianaja ka woye 'ate jiwoyeyi 'nakayi, ti Sinia' jika kia'lits'ase'm. Kia'iyojliyi siu'nie jiwoyeyi, ti jlam ti wuj ti imp'elisina', jlam'ne kiak je woyeyi ka imp'elisina' ti pajk'i.