Lucas 19:47 - Sinia' Jlamtis 1994

⁴⁷ Wikie'eyi puwa jlomas ti Jesús taka'neyasan'ni yi'i japa Sinia' ji'wuk. Jlam'ne pet siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, siu'neje papo anechiyasas ijia yiji jlaja isi'.

Lucas 19:47 Iomraidhean Croise

Mateo 21:23

Jesús ti itimayi siukia iyo jakayik'i, 'yina ijioyi'ni siujlieja 'najla'wet. Siuti taka'neyasa'n, 'nesa'ni japoka siojopo pa'yijis jika anechiyasas, siu'neje japo kijilas ti kia'iyo anechiyasas, ti ijioyisi ti iyonits'i 'ate ja Jesús: —¿Tent'ipa ajweye ni jikiene niwaka? ¿Ten siupi jitiajleje?

Mateo 26:55

Sekyi'i ti kiak iyonayi japo i'nio': —¿Yot'iyi'ni ti jiwoye astesajnatisie', jla'yi ti jiwoye ask'iulisie', ti jiniamak'i, siwonayeyi 'ate ni i'nio' kajlajnata? Jlam'ne wikie'eyi kiwa jlomas ti si'wenayeta'ni ka jakayetaja ka akimak'i'm.

Marcos 11:18

Siupapo pa'yijis jika anechiyasas siu'neje papo jiwos pet pak Moisés jika'neyasajnaye, ti t'ijieyeyisi pa iyo ti tamti, 'yina iyoyeyisijyi'n paka ji'niayija' ka inlanis. Lapakawo ti je ijwiyisie, 'yaka ti'niejmaki pa t'eyasajnaye iyo.

Marcos 12:12

Iyoyisietaja'ni ka inkimits'i ja Jesús kajeyepa ti itiant'iejesk'i ti jlamis ti tijwelajas'ni ti ti'yenajap jiwek papoka inkijmayewos ti ijiuski'lajne'n. Je 'es jla'am ti je ijwiyisie papo i'nio', iliyeyisi wek sekyi'i ti tajlayisi.

Marcos 14:1

Jlomas times puwa tomk'iye ka ineyi siojopa jiliakijnieye papo Judíojos jle' iyo'ate Pascua, japak siojopa jloma ti itiuwis puwa woyejes laj jijlinkitajets'i. Siojopo pa'yijis jika anechiyasas, siu'neje japo taka'neyasane pet pi Moisés jika'neyasajnaye, jakayipe ti iyoyeyisijyi'n paka iwonisi ja Jesús ka k'iejliyeyi paka jlam intajlatisie wek jlam'ne je ijiatk'i, ti iyo ka inkimits'i ti janlanis.

Marcos 14:49

Jlam'ne jlomas atejwe ti aka'neyasan'ni ts'e kiajwe jana 'najla'wet, ka jakayeyi ka akimayek'i'm ta'a. 'Yina lapakawo ti jla'am je iyo jiwek, kajeyepa ti yiyeyi siunie iyot'iyipi siuniwa Sinia' jlamtis siukia jawo.

Lucas 19:48

Ijialasista pa kanwonisi kanlanis, yamjliyi ti iyoyisijyi'n siupa ka inwonisi ka 'esiejape'n. Lapakawo ti etie ti tamti pa Jesús papo i'nio' wuj ti its'iuyisie.

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Juan 10:39

Ti ipi'yayis ti kia'iyo ja Jesús, iyoyetajasijyi ka inkimits'i, jlampa yama ti i'yilta'n.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Juan 7:19

“¿Je pak Moisés ti iwi'nase'm ni jika'neyasajnaye? 'Yina tiwet'ianaja ka injwanjli wata'a paka ink'iuye. ¿Yot'iyi'ni ti jiwoye'ijyi ka siliana?”

Juan 7:44

Po' japo iyotaja ka inkimits'i ja Jesús ka i'notists'e a'laja'm, 'yina lajk'i'ne japo ti paja ka inkimits'i.