Lucas 19:12 - Sinia' Jlamtis 1994

¹² —Pojompe pa i'nio' anechiyas janek ti jajnoyi siojopa ajnat ti tojwe, lapakawo ti t'ajlaja ti ink'ieye siupa jle' ja tena'a ti janwo anechiyasa'. Jlomas nak ja nojwaja'm ja 'nejts'eje.

Lucas 19:12 Iomraidhean Croise

Mateo 21:38

“I'winat'iyispe ilia'm, 'yina iyoyis'ne 'ate, 'Yaka 'nakayet'e siu'nie ja tekiajla'a siu'nie ajnat. ¡'Yena'yi ilia'm, jaliana, 'nakayeyijna'a ka sikimita 'ni ajnat!

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Marcos 12:1

Jesús iniajnat ti yamtiyi k'iye siu'nie i'yejnap jiwek, iyo'ne 'ate: —Pojompe pa i'nio' ti yikiaj'l isia'am puwa ts'ejnie tio' yi'i pa jiwasok, 'yina iwiakajlanit ta'a siojopa sisaj jansajia'm pa t'e', sekyi'i ilisanayi'iji siojopa ji'wuk siupapo jan'yen'ni ape'e ti toj pijia'm. Itimeje ti iwinaja'm papo jikawos ka inkijmajne'n, sekyi'i ti jiwekie'aja ti ya'am ti ijioyi japa ajnat 'wenayi ti tojwe.

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

Lucas 20:9

Ti pajat'ijyi Jesús iyoyeyi ka intamti'yi papo i'nio', ti yijnapeje wek siu'nie ti iyo'ate: —Pojompe pa i'nio', jiwomki puwa ts'ejnietio'. Itimeje ti yikiaj'l isia'm ti iyoyeyi ka nek, iwijnam'ne papo inkijmayewos ka inijnajiet'e kan wen'ni ti wakajlata puwa jla'. Tojk'i siupa ijiojwi.

Lucas 24:51

'Yina je iliyi ti jikioye yink'i ape'e ti iwijna'm pa 'es japo t'eyasajnas, ti tikiniejayi pijia'm ti toki poliyi.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

1 Corintios 15:25

Jana'an ti Sijwajieti jane'yiji'n jana ji'wet ti jawo anechiyasa', paj ka kia'iwoyenie'e siunie jawoyi ti Sinia' janen kiajwe siunapo jikojwas.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

1 Pedro 3:22

ti ijio poliyi, ti yiji'n 'nijiye jlepi pa Sinia' ti tome jijweyeje. Ti injlojwajnas poli jlele jika anechiyas, siu'neje puwa injweyejes ti yiji ni poli, siu'neje puwa inwunitieyejes wikie'eyi ti yi' kiajwe.

Apocalipsis 1:7

¡'Yena'yi ilia'm, Sijwajieti na'm isia'm, ti yiji jana poli! Wikie'eyi napo i'nio' ti jan'we'en, siunapo iliant'ipi kiak jawo jan'wenis. 'Yina wikie'eyi napo i'nio' yi' ape'e 'ni ajnat ja ke jlasiye ni ja jijliak'aliye, siu'neje ni jlajlas janwoyi ti jan'wenis. Kiak janwo. Amén.