Lucas 18:14 - Sinia' Jlamtis 1994

¹⁴ Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Lucas 18:14 Iomraidhean Croise

Mateo 23:12

Kajeyepa siunie ti ja iniwunit, nak ja ke tiwok lajaye, jlampet siunie ti je initonit, ja nakaye'eje pet ti ja tiwok lajaye.”

Mateo 5:3

—Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Lucas 1:52

Ijiale napo i'nio' anechiyasas wus niwa ji'wetis ti iyo anechiyasisa', siunapo i'nio' lajk'iyipa kawo yikiajlayi pet ti iyo jijweyeja'.

Lucas 10:29

Pak i'nio' ti iyo ka ti'wena ti ijwil ka jlamkataja ka 'esie, it'imina ti yinat'iyi'iji ape'e ti i'yas'ni pa Jesús, ti iyo'ate: —¿Tent'ipa isiechat'e?

Lucas 14:11

Kiak iyo siunie i'nio' ti initonit, ja ke tiwok lajaye, jlampet siunie i'nio' ti je initonit, nak ja wujwa pet ti ja tiwok lajaye.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Romanos 3:20

Kajeyepa ti Sinia' ja ke inets'e paka inlesajne'n 'wanjliyi ka kia'iwo ka na'am ape'e ki iyo ki inka'neyasajnaye. Ka kiak je iwoyi pa ti 'nakata wek jla'am ti tejeye ka kasts'ajane paka iyonaja ti sa'am ti i'niolts'e'm ti sakeyis po'.

Romanos 4:5

Jlampet ni siunie ti je 'yakakiu ni Sinia' siunie ti ilisajne'n siunapo jloski'la iyo jikipijnaye, je kia'iyo. Kajeyepa ti Sinia' ilisajne'n siunie ti kia'iyo ti je 'yakakiu ti jla'am, 'yina je'ne ka nakaye siuti jikijmaye ti 'es kant'emina.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

Romanos 8:33

'Yina ¿tempa jankajli ka iwo'ate, “Siunapo Sinia' isi'mik'i je isis”? ¡Lajk'ipa! Kajeyepa ti Sinia' jla'am ti kaslesajne'n.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Santiago 4:10

Nijlasata'yi isia'm jitieyi'i ni Sinia', ja jlama'aja ti jajlasata pijia'm.

Santiago 4:6

Ijiate siunie Sinia' iwints'e'm ti kasp'elisijne'n 'yaka'm ape'e naka. Iyo jlam niwa jlamtis ti iyo'ate, “Sinia' teje'yi ilia'm siunapo i'nio' initoniti'n, jlampet siunapo ti je initoniti'n napok wuj ti ip'ilisi'n pet”.