Lucas 18:13 - Sinia' Jlamtis 1994

¹³ Kiak iyo pa Fariseo ti iyo t'ajlayeja'. Sek k'iejliyiji pet pa yiji siupa isi'm ilia'm niwa inkat'ijnieyejes, 'wenajliyi pet ti t'ot ipiaja'n ti iyo'ate, “¡Sinia' sip'elisi'n ti ya'am ti 'yake' po'!”

Lucas 18:13 Iomraidhean Croise

Mateo 10:3

Siu'neje japo ijia jleyis iyo'ate, Felipe jla'yi ja Bartolomé, Tomás siu'neje ja Mateo, siojo isi'm ilia'm niwa inkat'ijnieyejes. Siu'neje ja Santiago Alfeo jlas, siu'neje ja Tadeo,

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Mateo 9:13

Maye'ni, ni'neyasanayi siunie iyoyi niwak Sinia' jlamtis t'ipi ti iyo'ate: “Kap'ijliuskiye, nak awojonk'iye. Siunie ti jilianajyi'n niwa wakiajas ti jijwejla ka siwunitie, nak je awojonk'iye.” 'Yina siuti ana'am, je napok ka iniame napo isis, 'wenajliyi jla'am ti aname napok siunapo inkeyis jiliajnis.

Marcos 11:25

Jak je iyoyi siuti jawoyi ni asts'ajlaye, 'yina 'esiji ka inkiwali'yi pa k'iejliyi pi askiecha iyo'na, ti naka ti jitiajlatayi ti jiwoye jitisa', 'nakayi ti siunie Asna' ti yi' poliyi kiak jawo jankiwali'yi siupa astes iyo ti yiyi ilia'm.

Lucas 17:12

Ti yiyet'iyipi siupuwa isi'il jilis ji'wetis t'ipi papo i'nio', sek taj'le siupapo i'nio' inkiso'l jitio' yi'ik'i, siupapo itijwa'm niwa sikioye ti yisitis k'iye. Tojwe siupa takasitisijyi'n.

Lucas 22:41

Ni'ne ka treinta métrojossa' pa k'iejliyi siupa yi'i ti tajlayi japo t'eyasajnas, t'akosjlete'l itiyet'ijyimpe ajnat'e ti iyo t'ajlayeja'. Iyo'ne 'ate:

Lucas 23:48

Wikie'eyi siupapo i'nio' sekyi'i ti nojweje, i'winis pa tiwonaja, t'ot ipiejayis ti jijliak'ali po', ti tajlayisi ti yapiliet'i'nipe.

Lucas 5:8

Simón Pedro ti i'wi'in ti kia'iyo, t'akosjlete'l itiyet'iyijimpe kiajwe pa Jesús, sekyi'i iyo'ne 'ate: —¡K'iuk'i'm, 'Yaka'niona, sitioniti'n ti ya'am ti je ts'es!

Hechos 2:37

Siupapo nojweje, ti ipi'yayeyis ti kia'iyo, je jlase' pi iyo ti iyo jijliak'aliye. Ijioyisi'ne ja Pedro, siu'neje japo injlojwajnas, ti i'yase'n ti iyo'ate: —I'lijwas, ¿tepat'e ka iniwonataja?

Romanos 5:8

Sinia' 'yakajanit pet ni jlemijnaye ti yints'e'm, jak je iyoyiji ti sa'am ti je atajlaje ni sake', Sijwajieti jla'am ti ininekial sitipe'e ti tiliana.

2 Corintios 7:11

Ijiate ti jinilayitieyi siunie asjlak'ali iyo, 'yina Sinia' nak yimink'i. ¡Ataj ene 'ate siuniwa wask'i'nelaja isis tajle naka! Inia'an siunie ti ijiate ti jikima'yi siukia awo'nase ti ip'isinik atate'ase, siu'neje ti ji'yena. Je wekie'e siunie jiwoyeyi ti jinilayitieyi, ti nak ikajanit ti je asa'am ka astesa', pak it'imina siuti kiak jiwoyeyi, siu'neje ti ine'wajayi niwaka ti inkajyina, kajeyepa ti jloskiyeyi pa Sinia', ka kia'iwo ka jwesieja pet. 'Yina yam'niji kiaka ti jiwoyeyetajank'iye ka si'wena, naka 'neje ti jini'netie ti jlotkinayi siunie jitis iyo ni i'nio' ti iyo ni je 'es, kajeyepa ti jlam je woyeyi ti jlam jla'am ti jitis. Jak je iyoyiji 'yakaja pet ti wikie'eyi niwaka, je asa'am ka intaj'lase, laj astesa', 'yina jlam ti jikimet ti siupa ti iyo ni je 'es.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

Hebreos 4:16

Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.

Hebreos 8:12

'Yina janitiajnat k'iye siunie jitis iyo ti atajlata niwak jikeyis, je pajna'a ka itiej yini'ni 'ate siunie iyoyisi.”