Lucas 18:12 - Sinia' Jlamtis 1994

¹² Wikie'eyi kiwa inkijmayejes timesiji'ni ti awo 'yejlayeja', aninel'liajanit'ni, siojona 'yakaja ti sitisiejata, janak atajlaja'm pet siojona a'yaka'n itijwa'm niwa sikioye ti ekiajle pa Sinia'.”

Lucas 18:12 Iomraidhean Croise

Mateo 5:20

Nak ajwe'lase'm ti awo'ate, siunie jiniwonayi ti jiwoyeyi ni 'es, siuti ja ke akama'yi ape'e napok Fariséojos, siu'neje napo jiwos pet nak Moisés jika'neyasajnaye, ajwe'lasem ta'a ti ja laja as'nayija' ka 'oyeyi ni Sinia' jika anechijiayas.

Mateo 6:1

“Siuti jiwoyeyi siunie 'es jitieyi'i napo i'nio', ke nakaye ti janitonitieyi siunie ti jawoyejyink'iye ka in'wenaja'ni. Siuka kiak janiwonatiejenie'e, siunie Asna' ti yi' poliyi ja ke inwe'nase'm paka k'iejliyeyi ka as'wajieta'.

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Mateo 9:14

Siupa Juan inajiejnawo siojopo jikawos ijioyisi ja Jesús ti i'yasis'ni ti iyonisi 'ate: —¿Yot'iyi'ni pet napo 'eyasajnas ti je ininel'lianiti'n? Sa'am siu'neje napo Fariséojos je paj ka iliki pet ti awoki naka.

Lucas 11:42

“¡Aswet'ia japoye, asa'am ti Fariséojosts'ase'm! 'Wanjliyi ka niwakaye siuniwa sajmela'aja'n ti jiwoye as'wajietayi pa Sinia', iyoye'ate siuniwa a'la'wole ti inkas, wikie'eyi siuniwa inkas 'neje. Jlam'ne je kiak jiwonayi napo as'lejwas ka ena'yi ni siuni tijnajyi, 'yaka ti je jlemina' pa Sinia'. It'imina ti awo'ate, kiak wonayi napo a'lejwas ka ena'yi ni siuni tijnajyi, jla'yi ti ja emina' ni Sinia', 'niwak jla'm ijiate ti laja po'. Ká aleyeyi ti ekiajlayi pi Sinia' siojona tajlaja'm ti ji'yakana'ni itijwa'm niwa sikioye, siu'neje niwa ijia ti isis ti jiwoyeyi.

Lucas 17:10

“Kiak jiwoyeyi ti asa'am ti Sinia' jikawosts'ase'm. Ti jitimayetaja ni askijmaye ni Sinia' ijliuye'ase'm, ka kiak awoyeyipi 'ate, “Sinia' jikawosts'e'm jiwek. Siunie tijliukits'e'm ka iyoki, awoki, lajk'ipa jikiechaye”.”

Romanos 3:27

Ijiatjliyi, ¿ma po' siupa ti je iliyi ti initoniti ni i'nio'? ¡Lajk'ipa! ¿Yot'iyi'ni 'nakat'iyi pet ti ya'm ape'e ki iyo ni inka'neyasajnaye? ¡Jeyi kat'aja! 'Nakayi jla'am ti je takakiuni nak it'imina.

1 Corintios 1:29

'Yina ti kia'iyo kajeyepa ti Sinia' iyo ka lajak'ipa ka ini'najnat ape'e ti jla'am.

Gálatas 1:14

'Yina ti je kaspini' siojopo ijniujliejwaspe ti ijiate ti akinieje siukia iyo pit napoka Judíojos, 'yina jwamjla'a ya'am ti 'an pijia'm ti ajyi japo ya'yispe, kajeyepa ti ya'm ijiate ya'am ti je sikiwaliyi'i kiwa jikeyis kiapo 'yaka kijilas mases.

Efesios 2:9

It'imina ti je 'es ka poye pa ka initoniti, kajeyepa ti je niwaka ka inlesa'n ni i'nio', ti Sinia' ijwiejiet.

1 Timoteo 4:8

Siuti anijnejlitie'ni, nak 'esi pet niwa ts'ajwes. 'Yina kia'iyo'ni pet ni sosik, siuti ani'netieje pa Sinia' jla'm ijiatayiji ti kasts'isisi, kajeyepa ti iniuyets'e'm 'nakayi jla'yi ts'ijiye.