Lucas 16:9 - Sinia' Jlamtis 1994

⁹ Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Lucas 16:9 Iomraidhean Croise

Mateo 19:21

Jesús isiujlie ti iyo'ate: —Siuti jiwojonk'iye ka i'nes, maj wen'ni wikie'eyi siuniwa wask'i'nelaja ji'we'en, wejnamk'i napo p'ijliusis, kajeyepa jane ts'iji poliyi niwa akijmatisie'. Sekyi'i jiwekie'ajana'a ka ana'm ijyik'i.

Mateo 6:19

“Ká ajwos puwa askijmatisa 'ne ajnat'e, jiwos jantojw sekyi'i jano'we, siu'neje ti kajlajnatas ja'noyi ti jankajlane'ni.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Lucas 11:41

Siuti jawoye 'wajieta' pa jane'yi pa, 'esijyi ka ijiatayiji ka intajle ni ajosik ti 'es, 'nakayeyipe ti ja 'esie siunie jawoyeyi.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 14:14

'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.

Lucas 16:11

Siuti kia'iyo ti je lisaniji siuniwa wask'i'nelaja yi' ajnat'e ti je 'es, ¿tempa jitiej jawo'ma'm ka poye siuniwa akijmatis ti ijiate jla'am ti laj jlaja?

Lucas 16:13

“Je ti'wena wek napo inkawos ka ne'yi paka intemisiete papo jika anechiyasas, kajeyepa ti janjwanjli siupa ja ne'waja'm janjwanjli siupa janemi'n, siu'neje ti janleyi pa janjwanjli, janjwanjli'ne siupa ja ke intajlap. Je 'najanayi paka woyeyi ka ijiatayiji ka awoye aska'nionaja pa Sinia', lapawo ti jlemina' niwak wask'i'nelaja askijmatis ti ji'wena'.”

Lucas 16:4

Ti itienkiun'ni sekyi'i iyo'ne 'ate, “Kiakp'an janiwoninie'e, 'yina 'wanjliyi ka 'yaka anechiyas sot kisie'e, japoye'eje papo janki'm ijyilia'm ka iyotajanna'aja isijma'weta'.”

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 10:4

Cornelio jla'm i'yen'ni jiwekie'e pa injlojwanik poli jlele, kajeyepa ti jnots'ijni. I'yasen'ne ti iyo'ate: —¿Yot'iyi'ni, 'Yaka'niona? Siupa injlojwanik poli jlele isiujlie ti iyo'ate: —'Esiji, Sinia' itiliaja siunie jiwoyi ti jiniuyeje napo p'ijliusis, 'yina isi'm ilia'm naka.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.