Lucas 16:8 - Sinia' Jlamtis 1994

⁸ “Sekyi'i iyo'ne 'ate pa anechiyas, ti i'wi'in pa jikawo ti 'yijen jlosiki, “Siunie i'nio' ti ijiuski'la'n 'yijen ji'niayiji siunie jawo ka 'esieyi papo ijia jla'yi ti jla'am”.” Jesús kiak iyo'ni: —'Wanjliyi ijiate, napo i'nio' ti ajnat jlele pet 'yijejne'n, jak je iyoyiji ti i'ye'en siunie iyo ni jikijmatis 'ne ajnat'e 'yaka'm ape'e pet siunapo yiji jana 'esi.

Lucas 16:8 Iomraidhean Croise

Mateo 12:32

Kia'iyojliyi siunapo ji'lij ja ke 'esieyi ni I'nio' Jlas, Sinia' jamp'elisijne'n jiwek, jlajma ijiatayi siunapo ji'lij jane'ne ti ja ke 'esie janak siojona Sinia' jikimet ti 'es, je pajna'a ka inkiwaliyi'i ni jitis iyo.

Mateo 17:26

Pedro isiujlie ti iyo'ate: —Siunapo ajnat 'wenayi jana tajla'm. 'Yina Jesús yine'ne ape'e ti iyo'ate: —Kiak iyoyetajayi, siunapo jikawos ¿yot'iyi'ni kant'ajla?

Lucas 16:10

I'nio' ni ilisaniji ni siunie jwamjla'a ti je tikiwitaja ni i'nio', kiak janwone ni siunie wuj ja'notatiji. Jlampet siunie ti je 'yotatiji ni jwamjla'a ti je tikiwitataja, kiak jawone ni wuj ja ke 'notatiji.

Lucas 16:4

Ti itienkiun'ni sekyi'i iyo'ne 'ate, “Kiakp'an janiwoninie'e, 'yina 'wanjliyi ka 'yaka anechiyas sot kisie'e, japoye'eje papo janki'm ijyilia'm ka iyotajanna'aja isijma'weta'.”

Lucas 16:7

Itime ti i'yasayi'iji pi jikiecha, ti iyo'ate, “¿Tepi jiwo pet a'am? ¿Tejnapa akapia' yiyi ni 'yaka anechiyas?” Isiujlie ti iyo'ate, “Veinte mil kílojos pa ipiatatiok t'ejes 'wanjle'e japa 'yakapia'.” Sekyi'i iwijnam'ne pa imp'esinik tejeye pa jikapia' pa jikiecha ti iyo'ate dieciseis mil jiwekie'aja.

Lucas 18:6

Saka'niona yine ape'e ti iyo'ate: —Jlamtis kia'iyo pak i'ye'en napo jitis wus ti je i'nio'.

Lucas 20:34

Jesús isiujlie ti iyo'ate: —'Napo i'nio' yi' ajnat'e, jlajmike' ti tijwa'yits'iji'n.

Lucas 20:35

Siunapo i'nio', ayijnies asejnia ti jlajma ke inwo wek kajeyepa ti ja'nakajats'i ti janek'ni jla'yi ti janapits'i pijia'm, ti jajnayi ni ajnat jikiecha, ja ke kiak inwo, ja lajk'i papo kawo jwa'yisa'.

Juan 12:36

Ká akakiuye janak kates, ti je taljli'ijyi aska kiowe'e, ja 'nakayeyijna'a ti ja jloma jleleye'ase'm pet. Yiyik'i ti yama ja Jesús, inijwek'ni k'iye japo i'nio'.

1 Corintios 3:18

Ká anik'emijieta. Siuti po' na ti asa'am ti ijwi'il ka ijiatayiji ka 'naja'an, iniwone siunapo i'nio' ti iyoyi ni ajnat jikijmaye. Je 'esiji ka aniwonayi 'ate siunie ti lajk'iyi paka iwoyi ti je 'yije'en jwajla'aja, ja 'nakayeyijna'a ka ijiatayi ka wo'ate siunie ti je jlejliyik'i wek ti 'yije'en jwajla'aja.

Efesios 5:8

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

Filipenses 3:19

Napok je ijiate ka je inojk'i'ni. Jlamis ti iyoyisi jika diosa' naka ti ijiate ti jitienkiujnieye yi'ne niwa wask'i'nelaja ti iyojonk'iye kan'wenis. Ka kia'iwo ka iwoyisi t'ajwejliye ni jike' ti iyoyisi. Jlam itimisjliyi niwaka, ti jitienkiujnieye yi'ne niwa wask'i'nelaja yi' ape'e 'ni ajnat.

1 Tesalonicenses 5:5

Wikie'eyi ti jitiajlayi ni jla'al jana kates siu'neje ni jloma, nak jitiajlayi jilists'ase'm pet. Je ajnaj jlelets'e'm ni'ne ka napokaye siunapo yimi'n ni ajnatiok.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.