Lucas 16:25 - Sinia' Jlamtis 1994

²⁵ Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 16:25 Iomraidhean Croise

Mateo 27:63

ti iyonisi 'ate: —'Ni 'yaka anechiyas, sitiej je alanajak'i'ni siojo iyopi kiaka siukia ti 'wanjle'e kiu', ti iyo'ate, “Jlomas janajapeja ka iniuyena'a kisie'e ti jatiajla'm ni a'no'.”

Marcos 9:45

Jlampet ti ja nakaye asat ti jant'emina ti ja ajia'm ni ake', kia'iyojliyi esiti. 'Yina ja ejlo'oye wek ka asat injwanjlik'i, lapajawo ti ja ajia'm jana a'wasankiye ti t'o'n. Jlampet ti kiak jawo ja 'wanjliye wita'm niwa asatis, nak je i'nesi pet, siuti ja intataje siunie ji'wet pet nak injlak'ali ti t'o'n.

Lucas 16:20

Kia'iyo pojompe'eje pa i'nio' wuj ti p'ijliusie, jle' iyo'ate Lázaro, je pini' puwa jiwatis ijiok'i'ni, yijin'ni ts'e yi'i pa jika 'wuk kiwet pa i'nio' inkaje',

Lucas 16:23

Ijioyi siupa ijio'we'ni napo 'yajle'n, inlaye 'wet wuj ti jlajlas po' pa i'nio'. Tojwe pa yi'i ti i'wine pa Abraham, ti jitiej yikiajlat'ipi pijia'm, ti yijap pa Lázaro.

Lucas 16:26

'Wanjliyi po' siunie tom selia'm ti je jlase' isajk'i, je i'yaka'n nakaja paka poye paka 'nak intaj'le ka ijno'wase, kia'iyojliyi pet paka poye paka nak intajli ka jnots'e.

Lucas 6:24

“¡Jlampet ti asa'am ti jwajla'a ji'wena', aswet'ia japoye, ja wujwa wata'a ti jamp'elisisa', 'yina ti janek 'niji ti ji'wena' siunie 'es ti yi'ase!

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Romanos 8:7

Jlampet siunapo ti i'nialkitk'i siunie ti itiliajask'i ka woyisi, napoka napo ti teje'yi ilia'm ni Sinia', kajeyepa ti tiwet'ianaja ka iwoyisi, jla'yi ti je its'iuyisie ki iyo nak Sinia' jika'neyasajnaye.

Filipenses 3:19

Napok je ijiate ka je inojk'i'ni. Jlamis ti iyoyisi jika diosa' naka ti ijiate ti jitienkiujnieye yi'ne niwa wask'i'nelaja ti iyojonk'iye kan'wenis. Ka kia'iwo ka iwoyisi t'ajwejliye ni jike' ti iyoyisi. Jlam itimisjliyi niwaka, ti jitienkiujnieye yi'ne niwa wask'i'nelaja yi' ape'e 'ni ajnat.

1 Tesalonicenses 3:3

'Nakayeyijna'a ja lajak'i pa ka intasit ilia'm siunie tiwonaja ti wuj ti inilayiti siu'neje ti ja ke inleyi pi Saka'niona. 'Yina 'najanayi pi jiwonayi ti sa'am ti Sinia' jilists'e'm, nak atayeje ni jiliaye ti janilayitieje.

Hebreos 11:25

'Yina je iyo ka inkatate ka woyi siuniwa wask'i'nelaja siuniwa je t'o'n siunie iyo pit ni inke', 'wenajliyi ti tijnats'i siunie ti iyo ka jiliaye inoj wita'm siupapo Sinia' jilis t'ipi siupi iyo ti inilayiti.

1 Jn 2:15

Awoma wita'm ti awo'ate: ke emina' ni ajnat, jla'yi niwa wask'i'nelaja yi' ape'e. I'nio' ni yimi'n nak ajnat, jlemijnaye je yi'ne pi Sinia'.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.