Lucas 16:24 - Sinia' Jlamtis 1994

²⁴ 'Yina 'yakets'iyet'ijiappe ti tan'ni, ti tane'ni pa Abraham, ti iyo'ate, “¡Atajla'm Abraham, sip'elisin wata'a! ¡Jloye ni Lázaro ka 'notia'm ni i'niat jana jijwuki jlase' jlaj, ka namik'i kants'atitk'i 'ni ipiajnat, je siliayi siu'nie jwat ti ajyi!”

Lucas 16:24 Iomraidhean Croise

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Mateo 3:9

Ataj ká awomayi siuti jiwoye 'ate, “Sa'am Abraham jilists'e'm atomaja pijia'm.” 'Yejne'n siuniwa sisajas je jwelta ka Sinia' je 'najane pa ka wone ka kiak iwone ka wone Abraham jilisa'.

Mateo 5:22

Awo'ate ti ajwe'el naka ti jwesieje ni jikiecha, jitis po'. Siunie i'nio' ti jlam jla'am ti iliaki'ni ni jikiecha, nak ja tokiji napo pa'yijis ijnosikis jiwos siunapo jlame ti yiji jana Jerusalén. Siunie iliaki ni jikiecha, ti iyo 'ne'liaja', nak ijiate ti 'yu'we ka tenaja siunie ijio'we'ni pet napoka ti iyoyi naka, siunie inlaye 'wet ti laj jlaja naka na jwat.

Lucas 16:30

Iyo'ne 'ate pak i'nio', “Ijiatataja wek atajla'm Abraham, siuka poye pa i'nio' ka inapi pijia'm ka intal a'noyi ka ijnoyi, ininekialtaja'ni wek.”

Lucas 19:9

Jesús iyo'ne 'ate: —Siu'nie jloma Sinia' ijwiejiet siu'nie i'nio', jla'yi napo ji'wet jlele, 'naka 'ni tajla papo Abraham t'ipi.

Lucas 3:8

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

Juan 4:10

Jesús iyo'ate ti isiujlie: —Siut'itie ka akatejnisieyi jlasa pa ka 'najane paka wone siunie Sinia' iwijna'm napo i'nio', siu'neje ni i'nio' t'ajlam'ni ni i'niat, amta ka 'ajla, sekjane'yi ka inwenata'm siunie i'niat ti in'wasankiye.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 7:37

Siukia jloma ti jlajayi jakiak inlakijnieye, jakiak siojokia jloma ti wuj, Jesús takasit'ne ti kiak iyoyeyi ti 'yakets'ijiap ti tamti: —Siunie i'nio' ti janki'im, ijnoyek'inie'e, in'yayena'a i'niati.

Romanos 4:12

Jlampet siunapo i'nio' ti yiji siupa tiwonat'iyipi pi Abraham, siu'neje ti iyoyi siupa iyot'iyipi jla'am ti je 'yakakiu pi Sinia', ti je kiak tiwonajliyi'ijyi ka t'isie'n jiwa tejwak'i, 'yina napoka 'neje jilis pa Abraham.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

Santiago 2:13

Kajeyepa ka netieje siojona jloma ti Sinia' jan'ye'en ni jitis iyo, i'nio' ni je ip'ilisi'n napo ijia kiak janwoyeyinie'e pit Sinia' ja ke imp'elisi'n. Jlampet siunie ti wuj ti takap'ijliuski, janakaye pet ti jwajla'a awo ti jant'an pijia'm.

Santiago 3:6

Siunie sikiwet iyo'ate ni jwat. Ji'wet pet ni je 'es ti yi siwa'm ti 'yijene pi iyone ka inkajyi'n paka i'nioye. Lapakawo ti naka jla'am ni ji'wet pet ni imosik ti ijliane'e'ni wikie'eyi niwa jlomas. Jak je iyoyiji ti jijweye po' ni i'nio', iyoyi ji'wasankiyeja' ti jlomas ti yat'e.

Apocalipsis 19:20

Sekyi'i ti tikimaja'a siojo pinitiok tijwanaja'a siojo jijwejlanik jiwo jla'am, ti je ijiat ka Sinia' jijwejlanik jiwoye', ti i'nisat'ni siuniwa ti 'yakelitk'i napo i'nio' ti yine'ni jitieyi'i ti jla'am. Ik'emijiete siuniwa i'nisatk'i siunapo i'nio' ti 'yaka ti isimits'i ilia'm jaka pinitiok, it'imina ti iyo jijwukisa' ti yi'n jitiokiots'i'i ni'ne ti yi'n jikio'yi, siu'neje ti iyunit ni jipe'el ti tewitanajak'i. Sekyi'i titietajayiji ni jwat ti ti'wasankitieje'n ja pinitiok siu'neje ja injwejlanik jiwo ti je tal Siniayi, jwat siunie ti isa ape'e ti iyo'ate ni tewuk iliyi ti yi'i ni azufre ti yat'e.

Apocalipsis 20:15

'Yina sek titietaja'a wikie'eyi siunapo i'nio' jleyis je yi'i siunie imp'esinik ni jleyis ji'wet napoka ji'wasankiye po' ti t'o'n.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.