Lucas 16:23 - Sinia' Jlamtis 1994

²³ Ijioyi siupa ijio'we'ni napo 'yajle'n, inlaye 'wet wuj ti jlajlas po' pa i'nio'. Tojwe pa yi'i ti i'wine pa Abraham, ti jitiej yikiajlat'ipi pijia'm, ti yijap pa Lázaro.

Lucas 16:23 Iomraidhean Croise

Mateo 11:23

“Asa'am ti as'wet pet jana Capernaum, ¿jijwelayet'e ka tikinie'asena'a ka ijnoki poliyi? ¡Je'e, 'wenajliyijna'a ti ja intatajayik'i isia'm na kiawe ti laj jlaja, siunie inlaye 'wet! 'Yina ka japakaye t'ipi japa Sodoma ka tenajaja siukiwa iyo kiwa ti'wenkina'ase'm, japak isi' a'wenajta'ne 'nakayi.

Mateo 18:9

Siupet ka janakaye atate ka int'emi'na ka ajia'm ni ake', laj'ni, tate. 'Wanjliyijna'a ka atate injwanjli 'yina ti ja ajia'm jiwek jana in'wasankiye siojona laj jlaja, siuka 'wanjliye wita'm niwa atate 'wanjliyi ja ke i'nesi siuti ja intatajaja nak inlaye 'wet ni jwat ti je paj ka 'no'me.

Mateo 23:33

“¡Injlajasts'ase'm, kajeyepa ti jitiajlayi niwak injlajas! ¿Jijwelat'e ka ajwayejinie'e siojona jloma ti jiliaye janejyi ni i'nio', ka Sinia' i'yenta ti jansa'a, ti jankiene ni jwat ti je paj ka 'no'me?

Mateo 5:22

Awo'ate ti ajwe'el naka ti jwesieje ni jikiecha, jitis po'. Siunie i'nio' ti jlam jla'am ti iliaki'ni ni jikiecha, nak ja tokiji napo pa'yijis ijnosikis jiwos siunapo jlame ti yiji jana Jerusalén. Siunie iliaki ni jikiecha, ti iyo 'ne'liaja', nak ijiate ti 'yu'we ka tenaja siunie ijio'we'ni pet napoka ti iyoyi naka, siunie inlaye 'wet ti laj jlaja naka na jwat.

Mateo 5:29

“Siojona atate to'm ajweyeje ti jant'emi'na, ton kisie', tate. Ja 'nakayeyijna'a ka je i'wanjli wita'm ka intatajtaja nak inlaye 'wet laj jlaja'.

Mateo 8:29

Ti yiyet'iyisipi ja Jesús, kiak t'ipa iyoyeyisipi ti tank'i wita'm: —Sinia' jlas, ¿yot'iyi'ni ti je kasse'nate? ¿Jiwot'iyimi ka poye ta'a paka wonts'e, ti ji'nis 'yina ti je yijliyi'ijyi siojona jlomaye?

Lucas 16:24

'Yina 'yakets'iyet'ijiappe ti tan'ni, ti tane'ni pa Abraham, ti iyo'ate, “¡Atajla'm Abraham, sip'elisin wata'a! ¡Jloye ni Lázaro ka 'notia'm ni i'niat jana jijwuki jlase' jlaj, ka namik'i kants'atitk'i 'ni ipiajnat, je siliayi siu'nie jwat ti ajyi!”

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

1 Corintios 15:55

“Am ti 'najlati'a'm, ¿tepi ijiojwi pi ajweye pi jijwel ka akients'e, ti ja kastatek'i isia'm? ¿Tepi ijiojwi siupi ajweye, ti jakients'e, ti jijwel ka kaslaki siunie anis?”

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.