Lucas 16:21 - Sinia' Jlamtis 1994

²¹ kajeyepa ti iyotaja ka intojw siupuwa jikas jijwa'al siupuwa iniuk'ijin'ni ti tal ape'e japa jlak ijiut'ni ape'e. Jlam 'niwakajlit'ipi pet niwa alenas ti iniep'uyits'i puwa jiwatis pi i'nio'.

Lucas 16:21 Iomraidhean Croise

Mateo 15:27

Siujlieja i'nioki isiujlie ti iyo'ate: —Ijiate 'ni 'Yaka'niona, kia'iyoyetaja 'yina je iyojliyi wek ti itiujwk'i'ni siuniwa jikas jijwa'al ni jika'niona, ti iniuk'ijin'ni ti taj'l ape'e jana jlak yinisi'n ape'e.

Marcos 7:28

Siojopa i'nioki iyo'ate ti isiujlie: —Ijiatataja wek 'ni 'Yaka'niona, 'yina siuniwa alenasata, 'yina je iyojliyi pit ti itiujwk'i'ni niwa jikas jijwa'l napo jika'nionas ti iniuk'iji'n ti yi' kiajwe siojopa tejeyits'i ape'e.

Lucas 16:20

Kia'iyo pojompe'eje pa i'nio' wuj ti p'ijliusie, jle' iyo'ate Lázaro, je pini' puwa jiwatis ijiok'i'ni, yijin'ni ts'e yi'i pa jika 'wuk kiwet pa i'nio' inkaje',

Lucas 16:22

“Yit'iyipe japa jloma ti 'yalat'ipi pak p'ijliusie, siupapo injlojwajnas poli jlele nami'ni ti ijioyiji pa Abraham ti yi'i pa Sinia' ji'wet. Siupa i'nio' inkaje' ti 'yalat'ipi pet, 'yina titijik'ne k'iye.

Juan 6:12

Ti yip'isieje'n japo i'nio', Jesús iyone'ne 'ate japo t'eyasajnas: —Mayek'i'ni niwa jijwa'al, 'esiji ka lajak'ina'a puwa ka akajyinana'a.

1 Corintios 4:11

Awakieyi 'nijiye ti nel'lia kaslajne'n, na'la kaslajne'n, jla'yi ti laj si'wuyeye, tajak'ni siwa'm, lajk'ipa ka ijiatayiji ka si'weta',

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.