Lucas 16:2 - Sinia' Jlamtis 1994

² Jika anechiyas tani'ni pak i'nio', ijwijlam'ne ti iyo'ate, “Po' japo takajwejlank'i'ni ti ijwil je 'es ka akijme'n. 'Nakayi awojonk'iye ka 'wenkink'i'm siupa aka jlomas ji'wet ti jikimataja'n, sek jla'a ti jikijmen'nijiap.”

Lucas 16:2 Iomraidhean Croise

Mateo 12:36

Kajeyepa niwak ja ti'yenaja siuniwa jlamtis ti je isis ti iyoyi, ti ja titiajlataja ka inetiejenie'e janak jloma ka ti'yenatajna'a wikie'eyi napo i'nio'.

Mateo 20:8

“Ti kilie' 'yuyet'ipi, siupa anechiyas iyonat'iyijpe 'ate pak jikawo i'yena papok inkijmayewos, Ane napo inkijmayewos, tesk'i. Najnat siunapo 'wanjlik'i'ne isia'm ti 'yuyi ni jikijmaye, jlampet siunapo inia'an ti isimk'iji'n ja 'wanjliyek'i isia'm.

Lucas 12:20

“'Yina Sinia' ijliuyi'ni ti iyo'ate, “¡'Ne'lia'm! Siu'nie ajnaj ja'na'al, siuniwa wask'i'nelaja jlents'e, ¿tempa ja jikimita'?””

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

Lucas 16:1

Jesús ijwilat'ijiampe'eje siu'nie japo t'eyasajnas, ti iyo'ate: —Pojompe pa i'nio' jwajla'a i'wi'in, jikawo pa po'. Ijia takajwejlani'ni ti iyo'ate, “Ijiuski'lan wata'a ni akawo, siojona jlekiajle jlam pak iyonits'i'ni.”

Lucas 16:3

“Itienkiun'ni'ne siupa inkawo ti iyo'ate, “¿Tepat'e jayo ti ja tilinkinak'i ni isijmaye? Ti laja ijwiyeja' ka ilisane paka iwiesokie, ka ikawijna'n, jla'yi ti ts'ajwel ka 'yelk'i'ni papo, ka tiwok i'wiejieta'.”

Romanos 14:12

'Yina kiak jawoyi, ti ja kasjwanjlajamk'i'ni siunie jayoki ti jajwilak'iji'n siupa awokt'iyi ti jajwilaja'm ni Sinia'.

1 Corintios 1:11

Kajeyepa ti ika'niye po' ti siojopo ji'wet jlele jlaja Cloé, japok ijwilk'i ti injwela ti je jininenak'i'ni 'ate.

1 Corintios 4:2

Siuti po' ni i'nio' ti k'iejliyi pa jika anechiyas ijliuye kawoyi, je 'esiji ka je 'nakaj, siunie iyo ti isima, ti jlam ti ilisaniji pi jika anechiyas jla'yi ti ilisaniji pi jikijmaye.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

1 Timoteo 4:14

Lesaniji siunie Sinia' iwi'na'm, ti iyo a'wajieta', jakayi ti yamtijie'n japo jikawos, siojo iyo ja ijwi'la'm ti jikioye yi'n ape'e japo ijiate jla'am ti Sinia' jilis.

1 Timoteo 5:24

Po' napo i'nio' iyoyi ni je 'es, 'yina 'yaka ta'a ape'e niwa jikeyis, jlam'ne je ti'yenajli'ijyi. Po'neje siunapo je 'yaka ape'e siunie iyoyi, tejeye pet siunie jloma ti ja ti'yena ts'iji.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.

1 Pedro 4:5

Jlam'ne ki jawo, siupi ji'lij jawoyi jitieyi'i siunie ti wakal ti jan'ye'en wikie'eyi napo i'nio' pi iyo pi jitis, siupapo 'yajle'n siu'neje napo 'wasajne'n ja wikie'eyeyi.

Apocalipsis 20:12

Sekyi'i ti a'wena siojopo ti 'yalt'ijyimpe, siojopo i'nio' ti jleyis ti pope ti 'wanjlijliyits'i kiu', siu'neje japo ti lajt'ik'iyipe pet paka iwoyi ti jiniliaja t'ipi pet, ti takasitk'i jitieyi'i siojo i'nio' ti yi'iji'n jlajak in'wet ti 'es. Sekyi'i ti tilienajamk'i siojowa imp'esijna' ti ineyis ji'wet, jaka 'neje jla'am siojo imp'esinik jikiecha, jleyis yi'i siunapo ti ji'wasankiye ti t'o'n po'. 'Yina siojopo ti 'yalt'ijyimpe, siuti Sinia' i'ye'en siupi iyoyi kiak iyonayiji siupa iyone ti yi'i jawak imp'esijna'.