Lucas 16:15 - Sinia' Jlamtis 1994

¹⁵ 'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Lucas 16:15 Iomraidhean Croise

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:2

“Siuti janoyeje napo p'ijliusis ti jawo 'wajieta', ká ane'ni ka ajwele ape'e napo i'nio', ká aniwone 'ate napok i'nio' ti sintijyis ti initoniti'n. Jak je iyoyi ti yiyeta 'najla'wetise, 'ni'ne ti yijits'i niwa jika'wulis jana isi', ti iyoyeta 'wajieta' napo p'ijliusis, yinayi jitieyi'i napo i'nio', ti jla'm iyo ka ti'wena ka tonitieje siunie iyoyisi. Ijiate siunie jayoyi jlam je awo, nak it'imina'aja ti ikajli naka, ti siunapo i'nio' ti ijiunitis.

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Lucas 10:29

Pak i'nio' ti iyo ka ti'wena ti ijwil ka jlamkataja ka 'esie, it'imina ti yinat'iyi'iji ape'e ti i'yas'ni pa Jesús, ti iyo'ate: —¿Tent'ipa isiechat'e?

Lucas 11:39

Saka'niona iyone'ne 'ate pak Fariseo: —Asa'am ti Fariséojosts'ase'm, kisie'e 'nejie'e wek ti jijwela' ka lejajiamk'i niwa asat jijwa'al, aka teti'l siuniwa ji'yekiuniejiamk'i kia'iyojliyi. Jlam'ne jik'ioyi tipoyeyiji siuniwa askajlajnatis, jla'yi niwa jitiajlayiji ni siunie je 'es.

Lucas 18:11

Siupa Fariseo takasit'ne ti iyo t'ajlayeja', ti iyo'ate, “Sinia' inikanitieye awe'na'm ti ya'am je awo'ate siunapo kajlajnatas, siunapo 'yuyi'ni napo ijia jwa'yis, siunapo iyoyi siunie ti wuj ti je 'es, je awo'ate iyo siusie isi'm ilia'm niwa inkat'ijnieyejes.

Lucas 18:14

Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Lucas 18:21

Siupa i'nio' isiujlie ti iyo'ate: —Ti k'iejli awo jwemikie' ta'a pet ti awoyi niwaka.

Lucas 18:9

Jesús yamtiyet'iyi'ijyi siu'nie ti jla'm i'yejnap jiwek k'iye siupapo i'nio' ijwil ka ijiatayiji kanses, ti iliaki napo ijia ka je insesijiyi. Iyo'ne 'ate:

Lucas 20:20

Jitiej je ilienits'i pa Jesús, iyoyet'ipi jikawosa' kan'yenits'i ape'e ka poye paka k'iejliyeyi paka ji'lija ka je 'esie, sekjane'yi ka inekiajlayisi pa anechiyas.

Lucas 20:47

Tajlane niwa ji'wuki'l napo ask'ilieki, ti inistajanitisi ni jloski'la iyo ti iliaki napo, je iliakiyisi'i ti iyoyis t'ajlayeja'. ¡Sinia' wuj ti jansa'ak'i napoka!

Juan 2:25

Ijiate lajatak'ipa ka injwejla'm ki iyo ki jlosik japo i'nio', kajeyepa jlam ti itiant'ieje ni jlosik iyo ni i'nio'.

Juan 21:17

Jesús yikiajle'e'ne ti i'yase'n, sekyi'i ti najapajayiji ti iyo'ate: —Simón, Juan jlas, ¿mi semi'n? Pedro sekyi'i ti je inkajayi ka inkiujlie'ni, 'yina kajeyepa ti najapajayiji ti i'yas'ni ka ijiatayiji ka inemi'n. Isiujlie'ne ti iyo'ate: —'Yaka'niona, am ti 'najane wikie'eyi niwa wask'i'nelaja. 'Najane 'neje ti emi'n. Jesús iyone'ne 'ate: —Mayijinie'e pi jlak yi'i niwa iliajwas 'wolepo'.

Hechos 1:18

(Papoka'ne ti tajleje siojopa wikiniet'aj ti laja siupi iyo ti wuj ti je 'es, 'yina yame'ne pi jika ajnat. 'Yina je pajtaja ti yiyeyi ki jlaj, pakayi siupa ti iniuyet'ijyimpe ji'wo' 'yite isia'm. Its'isk'i'ne, seki'i jikasjili iniuyet'ipi kisie'e.

Hechos 1:24

T'ajlat'ijyimpe, iyonat'iyisijpe 'ate pa t'ajlaye: —Saka'niona, a'am ti intant'ieje ni jlosik ni i'nio'. Awoktajank'iye ka apayiyi sik'ioye siupa a'am pajk'i ti jiki'me siu'napo times,

Hechos 15:8

'Yina Sinia', ti itiant'ieje 'niwa inkiojwa'l, i'winki'n ti inka'a ti jlamis, kajeyepa ti iwijna'm jana Sinia' jikimet ti 'es, iyoye'ate iyo ti iwints'e'm.

Romanos 3:20

Kajeyepa ti Sinia' ja ke inets'e paka inlesajne'n 'wanjliyi ka kia'iwo ka na'am ape'e ki iyo ki inka'neyasajnaye. Ka kiak je iwoyi pa ti 'nakata wek jla'am ti tejeye ka kasts'ajane paka iyonaja ti sa'am ti i'niolts'e'm ti sakeyis po'.

Romanos 8:27

'Yina Sinia', ti 'yijene pi iyone siunie jik'ioyi ni sosik, itiant'ieje jla'yi ti 'yijene pi iyone siunie jitienkiujnieye janaka Sinia' jikimet. Kajeyepa siojona Sinia' jikimet siunie iyoyi ti 'yejla'n napo Sinia' jilis, je jlam pak je iyo wek iyoyi ni siunie Sinia' yimink'i.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

1 Pedro 3:4

Jla'm ijiate jla'am siunie je 'yaka ape'e ti yiji ni asosik jawo 'ate iyo ti jinilesana'. Kiak wonayi pit siunie ti ja ke inetia'n, janaka siojona ti ja ke jwesieja', jla'yi ti jankama. Nak jla'm ijiate ti 'es laja po', Sinia' ijiunit japaka ti iyoyi.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”