Lucas 16:13 - Sinia' Jlamtis 1994

¹³ “Je ti'wena wek napo inkawos ka ne'yi paka intemisiete papo jika anechiyasas, kajeyepa ti janjwanjli siupa ja ne'waja'm janjwanjli siupa janemi'n, siu'neje ti janleyi pa janjwanjli, janjwanjli'ne siupa ja ke intajlap. Je 'najanayi paka woyeyi ka ijiatayiji ka awoye aska'nionaja pa Sinia', lapawo ti jlemina' niwak wask'i'nelaja askijmatis ti ji'wena'.”

Lucas 16:13 Iomraidhean Croise

Mateo 4:10

'Yina Jesús isiujlie ti iyo'ate: —¡Talk'i'm, sitiejiejwa imosik! Siuniwa Inia' jlamtis ti yi'i ni ji'wet ti iyo'ate, “Wunit ni Aka'niona ti Sinia', jwankit ka k'iuye.”

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Lucas 11:23

“Siunie i'nio' je 'yu ijyik'i, nak itiejiejwa. I'nio' ni je iniuyijk'i'm ti ajot wita'm napo i'nio' yi' ape'e 'ni ajnat, naka pet siunie ti initiajnatk'iji'n napo i'nio' ape'e 'ni ajnat.

Lucas 14:26

—I'nio' ni jajnok'i ja ke inkajli ka iyo 'yiyasanikie' siuti jlemijnaye ja ke inka'm ape'e napo jiniewot iyone ti yimi'n, ti ja semi'n pet. Iyone ti yimi'n jana jik'iemjla, siunapo jilis, siunapo ji'niayi ijwienjliyi, ayinie ni'ne ti janaka asejnia, jla'yi ti jla'am siunie iyo ti ininemi'n.

Lucas 16:12

Siuti je lisaniji siunie ti je akimet, ¿tempa janwe'na'm siunie akimitayi?

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Lucas 9:50

'Yina Jesús isiujlie ti iyo'ate: —Ena wek'iate, kajeyepa ti nak asa'yi siuti je teje'yi aselia'm.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.