Lucas 15:8 - Sinia' Jlamtis 1994

⁸ “Siu'neje ni jikiecha, ¿tejnapa i'nioki itijwa'm niwa sikioye puwa jika wikijniest'ejes puwa i'wi'in ti laja po', ti ijwienjli japa initiajnat, ma jwat je yintaja japa jika kates, jla'yi ti je isimtaja 'niji japa ji'wet jikie' ti janwojyin'ni siojopa initiajnat?

Lucas 15:8 Iomraidhean Croise

Mateo 5:15

Siu'neje ti po' ni i'nio' ti jwat yi'ne jana jika kates kamp'o'n ape'e, ti 'wenajliyi siunie jawone ti janen pijia'm, 'nakayijna'a ka jlal ja'naja'n ape'e siupapo ji'wetijwas.

Lucas 15:7

Sekyi'i Jesús iyo'ne 'ate: —Jajwi'lase'm ti kiak iyoyi siunie i'nio' ti je tajli ni jike' ti ininekiajlata. Ni inkanitiejeye wuj yi' poliyi 'yaka'm ape'e siunie inkanitiejeye tena'a siunapo noventa y nueve i'nio' ti ijwil kanses, ti je iyo ka inwo jlosikis ink'iejyisa'.

Lucas 15:9

'Yina siuti jan'we'en, jantanayi napo ijia, siu'neje napo ji'wetijwas, kanwone 'ate kanjwejla'm, “¡Wujwat ti ts'ajkaj'ni ti a'we'en jla'a ika wikiniet'aj siujlie'e anetiajnat'ne! ¡Jonie'ni, jayok siliakijnieyeja' ape'e!”

Lucas 19:10

Siunie I'nio' Jlas napok name, siunapo netiajne'n, ti iyo ka injwajiete'n.

Juan 10:16

'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 11:52

Je ka napokataja, 'yina siu'neje napo Sinia' jilis netiajne'n ape'e 'ni ajnat, ka ji'wet injwankit.

Hechos 19:19

Siupapo iniwojwa'n t'ipi aye'wula' yamayisi kiwa jip'esijna', ti jwat 'yutiamk'i jitieyi'i papo sek yinayi'i. Ti ti'yena japa laja siupa nojwe'e puwa imp'esijna', cincuenta mil puwa wikijniest'ejes nojwe'e.

Efesios 2:17

Sijwajieti ti na'am, nameje wikie'eyi napo i'nio', siunapo ti je jnanjlajapenpe ni Sinia', siu'neje napo je tojwape'n ta'a pi Sinia', ni jika'niye ti 'es ti ijwi'il ni inkamankiye.