Lucas 15:5 - Sinia' Jlamtis 1994

⁵ 'Yina ti i'wi'in japa jiliajwa, wuj ti inkaj'ni, yinatipe'e ti itijlia.

Lucas 15:5 Iomraidhean Croise

Lucas 15:32

'Nakayi ti awok siliakijnieyeja' 'yu'we kajeyepa ti kaskask'i wita'm. Siunie a'yini ti 'yalta'ne, 'nakayi 'wasa'n. Netian'ne, 'nakayi a'wena”.”

Lucas 15:4

—“¿Tepa yi'i siupa ti asa'am ti cien puwa jiliajwas sontas ti po', ka injwanjli japa ka netia'n, ti je sek ilitaja'a wekie'e siupuwa noventa y nueve jiliajwas 'neje, ti jawojyi'n siojopa ijwienjli ti netia'n? Janwojyin'ni; siuti i'wina, sekyi'i ti iliyeyi ti iyojyi'n.

Lucas 15:6

'Nes jiwekie'e ji'wete tanak'i'ni papo ijia, siu'neje papo ji'wetijwas jla'am, ti iyone 'ate, “¡Wuj ti ts'ajkaj'ni, a'we'en siujlie'e iliajwa netian'ne! ¡Jonie'ni jayok siliakijnieyeja' ape'e!”

Lucas 19:9

Jesús iyo'ne 'ate: —Siu'nie jloma Sinia' ijwiejiet siu'nie i'nio', jla'yi napo ji'wet jlele, 'naka 'ni tajla papo Abraham t'ipi.

Lucas 23:43

Jesús isiujlie ti iyo'ate: —Ijiatk'i siu'nie jayo'naja ti siu'nie jloma je ijiat ka je a'ijiap ka yitana'a ji'wete siupa 'es pa Inia'.

Juan 15:11

“Kiak awo'nase ti awotajank'iye pet ka sinikanitieyi injwanjli, jla'yi ka impo'ase pet ni asnikanitieyi.

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Efesios 3:7

Siuti ya'am je ani'nojonit'i siu'nie awoyi ti anoyeje pi Sinia', ti ajwel niwa jlamtis, 'yina ti jlam ti jijweye po' it'iminayi pet ti akajli ti awoyi.

1 Tesalonicenses 1:5

Siuti anamaye'asejepi niwa Sinia' jlamtis ti isis, je 'nakata, siu'neje ki iyo ni jijweye jana Sinia' jikimet ti 'es, 'yaka ti ijiatk'i jla'am. Mejla'ala ka je 'najanayi siunie ti iyo ti si'wena ti a'yasap, kajeyepa ti ajalasa pet ask'ioye pa ka 'nisisieyi.

2 Timoteo 2:26

'yiniye ka jiwekie'eja ka int'ok'ijyi'n, ka ini'yakajni ti yiji jana jikatsala ni imosik ti iyotaja paka iwone, siupi iyo kawone.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.