Lucas 14:23 - Sinia' Jlamtis 1994

²³ Siupa jika anechiyas isiujlie ti iyo'ate, “Majkiunie'e, ekiajli'ni ni 'la'an, jalas'ni paka 'wenta ka nam'ne ka ijnok'i, ijiatjliyijna'a ka impoyi 'ni i'wit.

Lucas 14:23 Iomraidhean Croise

Mateo 21:43

Nak ajwe'el ti jatala'ase nak Sinia' jika anechijiayas, ja tekiajlaja siunapo i'nio' japoye siuniwa jla' ti ja nekiajle ni Sinia'.

Mateo 5:41

Siunie tokis ti 'yijie'na'm ka atejlia pa k'iejliyi, pi k'iejliyi'i pa iyo ka leyi'i, ni'ne ka injwanjli pa kilómetro, siuti a'am ja akajmatayijna'a wat ape'e, siupa ja e'neje'n.

Lucas 14:22

Yam'ne siupa inkawo, 'yina paj ti 'nesat'ipi, ijwilayi pa jika anechiyas ti iyo'ate, “Ateme, 'ni 'yaka anechiyas, siunie jijliuk'i'm ka iyoyi, 'yina mawata'a je ijlien'ni jana 'wuk.”

Lucas 14:24

Ajwe'lase'm ti siunapo ti anajnatta ti antajats'i ja lajak'iyi paka isijwane.”

Lucas 24:29

It'imina'ne ti kiak iyonisi: —K'iuts'e'm ti ja ke iwina, ká ajalas ka ak, no'ot majleyeyi ka ajnaja. Jesús its'iuye'ne japoka, sek 'wanjle'e'ne siupa ajnaj, yamak'i siupa ijioyits'i.

Hechos 16:15

Tiniejiena'ne, kiak iyojliyi japo ji'wet jlele. Inip'elisints'i ti kas salas'ni ti iyo'ate: —Siuti ja ijiatayi ti si'wena' ti awoyi ni inamtik, naja'ni 'eji'nase'm ka ijiok i'wite, sek 'wanjliye'yi kiunie'e. Je kaswen'ne.

Hechos 18:6

Jla'm iliakiyisjli pa Pablo, ti tejeyis ilia'm, jak je iyoyiji'ni ti ipiatits'i puwa ji'wuye, ti 'yakajanit ti wuj ti jitis poyis, sekyi'i iyone'ne 'ate: —Ja asama'yasa'm ti janit'emina ni siunie ti janetiana, je ani'noti 'naka. 'Nak jatiaj'le ti jajioyi siunapo je Judíojos.

Hechos 28:28

Pablo yini'ne ape'e ti iyo'ate: —'Esiji ka 'najanayi paka wonayi, siujlie'e injwajieti ti tajle pa Sinia' tijliuki siunapo i'nio' je Judíojos, napokata ti jank'iuye jla'am.

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Romanos 10:18

Sekyi'i awo'ate, ¿ent'a napo Israel jika kia'lis jet'i ipi'yayis nak Sinia' jika'niye? Ipi'yayis, tepa jawo ka je impe'yayis, jlam'ne siuniwa jlamtis ni Sinia' iyo'ate: “Itijwi'n ape'e 'ni ajnat ni jla'lap napoka Sinia' jikawos, yame siuniwa ajnatis tome jlaja niwa jlamtis.”

2 Corintios 5:11

Jlam'ne kasts'ajane pa awonaja ti naka ti jla'm ijiate jla'am ti ja ke kasjweye, 'ejejiena'a napo i'nio' ka ilesa'n niwak Sinia' jlamtis. Siupa Saka'niona wuj ti itiant'iejts'e, jla'yi ti yiminta ka kia' awoyeyi pet, ka ijiatayiji ka intant'iets'e.

2 Corintios 5:20

Ijiate ti sa'am ti je kasto'we ti Sijwajieti jikawosts'e'm. Jak je iyoyiji ti awoki samtikie' naka ni inka'niye ti 'es, 'yiniye ka jlama pa Sinia' ka ijnalas napo i'nio'. Jak je iyoyiji pet ti ya'am wuj ti 'ejejie'nase'm ti etijnape pa Sijwajieti, ti awo'ate, ¡nijwankitayik'i pi Sinia'!

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:28

Ajwela ape'e wikie'eyi napo i'nio' pi Jesús, siu'neje ti akelaja'ni, je lajk'i siunie awoki ti kasts'ajajne'n ti tajle pi Sinia' ti 'eyasanaja'n, kajeyepa ti awotajank'iye ka ijnol wita'm siunie jitienkiujnieye ti 'es jitieyi'i pa Sinia'. 'Yina jak je iyoyiji Sinia' jan'we'en ti wakal ti yiyisiap pi Sijwajieti.

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.