Lucas 14:1 - Sinia' Jlamtis 1994

¹ Siojopa jloma ti i'nio 'wanjlijyi'n, Jesús ijio 'wete siupa Fariseo ti anechiyas t'ipi, ti isijwane ti ti'yekiu'n. Jlam'ne papo ijia i'yen'ni.

Lucas 14:1 Iomraidhean Croise

Mateo 12:12

'Yina ni i'nio' ti laja 'yaka'm ape'e ni laja iyo jana 'wolepo'. Ijiate 'esiji siunie tiwonaja ti ti'manitie ni i'nio', janak jloma ti i'nio 'wanjlijyi'n.

Marcos 3:2

Siupapo Fariséojosjimpe jitiejiejwas jla'am ja Jesús isiowalisk'i'ni ti iyojonk'iye kan'wenisieje ka injwajiet paka i'nioye ka ineniji siojopa jloma ti i'nio 'wanjlijyi'n, ti ka pakaye ka intajlatisie wek.

Lucas 11:37

Jesús iliyi ti takamtijnie'n, ijwienjli pa Fariseo i'yase ka ijno 'wete, ti iyo ka inkijwane ti jan'yekiu'n. Jesús yamk'i'ne yiyi pi ji'wet, 'yuye kiajwe japa ji'wuk, sekyi'i ti tejeyeyits'i ape'e japa jlak ijiutis'i'ni ape'e.

Lucas 14:2

'Yina sekyi'i 'neje siupa i'nio' t'ipi ti t'ikie'ni jitieyi'i pa Jesús.

Lucas 17:20

Siupapo Fariséojos i'yasis'ni pa Jesús, iyonisi 'ate: —¿Nit'it'iyijna'a ka 'nes pa Sinia' jika anechijiayas? Isiujlie'ne ti iyo'ate: —Ja ke iwo'ate siunie ti 'yaka ti ti'wena, ka 'nesta.

Lucas 20:20

Jitiej je ilienits'i pa Jesús, iyoyet'ipi jikawosa' kan'yenits'i ape'e ka poye paka k'iejliyeyi paka ji'lija ka je 'esie, sekjane'yi ka inekiajlayisi pa anechiyas.

Lucas 6:7

Jlam'ne papo Fariséojos, siu'neje papo taka'neyasane siupa Moisés jika'neyasajnaye, jlam yamisk'ijin'ni, ti iyo kan'wenisieje ka injwajiet pa i'nioye, ka neniji siojopa jloma ti i'nio 'wanjlijyi'n, ti iyo ka pakaye ka intajlatisie.

Juan 3:1

Pope ja i'nio' Fariseo jle' iyo'ate Nicodemo, jika anechiyas jlam japo Judíojos.

Hechos 5:34

'Yina po' pa i'nio' Fariseo, jle' iyo'ate Gamaliel, yiji papok anechiyasas, pak tajlampet siupapo taka'neyasajne'n siupa Moisés jika'neyasajnaye, i'nio' ti 'est'ijyimpe, it'imina papo i'nio' ti its'iuye. Paka'ne siupa takasit ti iyo'ate: —Mayeyi kiu kisie'e.