Lucas 13:34 - Sinia' Jlamtis 1994

³⁴ Pakayi'ne ti iyoyet'ipi 'ate: —¡Jerusalén, Jerusalén, jitij'we ti jiliajne'n kiapo injwejlanawos, sisajas jikiene kiapo Sinia' jikawosta'ni ti ijliutie'a'ni! ¡Pa nojwat'ijia'm ti ajotta'ni isiajwe napo aka kia'lis, iyoye'ate jana ajwenta ti ijiut jikiajwe niwa jilis, 'yina ka jakayeyi wata'a ka woyi!

Lucas 13:34 Iomraidhean Croise

Mateo 22:3

Ijliu' papo jikawos ka ijnoyi siupapo pajk'i ti i'yase, 'yina papok siupapo i'yastajets'i je yam'ni.

Mateo 22:6

Ijia 'neje siupapo ti isimits'i papok jijliujwajnas pi anechiyas, ti yejes'ni, paj ti ilianayis.

Lucas 15:28

Jwesie'ne pa jikilia ti 'yijenayi pi iyone, je iyo'ni ka inamit ji'wete. Yam'ne pa jinia' ti ijioyi ti inip'elisine, iyo'ate, “Yas, k'iuk'i'm, amite napo ti awok siliakijnieyeja'.”

Lucas 19:44

Ja inetiajnatajyi'n, paj ka inojwaye'yina'a, siunapo asles kia'iyojliyi. Ja lajak'iyi japa ka sisaja ka 'wanjliye ape'e jikiechaye, jano ajnat'e. Kiak janwo wikie'eyi siuniwa amtiyi, kajeyepa je intant'ieje siojona jloma ti Sinia' ijiota'a.

Lucas 23:28

Jesús jitiej itieteje, sekyi'i iyo'ne 'ate: —Jerusalén jika jlosie, ke sip'elisina'ni, jla'm ijiate ti asa'am ti jani'yena', siu'neje napo asles.

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

Hechos 7:59

'Yina ti sisajas titietajajan'ni pa Esteban, jlam iyojli t'ajlayeja', ti iyo'ate: —'Yaka'niona Jesús, ki'm ilia'm ni isiak'al.

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

Apocalipsis 11:8

'Yina napok i'nio' mases janoyik'iji'n ts'e yi'i niwa jika'wulis jana isi' wuj, tenat'iyi'ipe kia jika anechiyasis ti tik'iejwata'a pijia'm japa cruz. 'Yina yikial pijia'm janak isi' siuniwa jleyis t'ipi pet niwak isi'il Sodoma siu'neje jana Egipto.