Lucas 13:24 - Sinia' Jlamtis 1994

²⁴ —Jwajla'a wata'a pa ka woyeyi, 'nakayijna'a ka akajlajyi ka 'oyeyi naka ni 'wuk kiwet ni je k'isaja'm. Jajwi'lase'm ti ja 'lojwa napo i'nio' ti jawo ka 'noyi nak 'wuk kiwet ti je k'isaja'm, 'wanjliyi ja ke inkajli ka 'noyisi.

Lucas 13:24 Iomraidhean Croise

Mateo 11:12

“Tajlap'e ti 'nelanjie'e yiyeyi ni inka'niye ti po' ni tiwonaja nak jika anechijiayas ni Sinia', siunie je 'es ni tiwonaja, napo jwesis napoka napo ti iyo ka inetiajnatis.

Lucas 13:23

Po' pa i'nio' ti i'yase'n ti iyo'ate: —Inka'neyasajnawo, ¿jet'i 'loj siupapo tijwajyi'n? Jesús iyone'ne 'ate papo i'nio':

Lucas 21:36

Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

Juan 13:33

'Napo ilis ti yimijna'ase'm, je pi itioyeyi'i niwa jlomas ti jatiaj'lase'm. Je jwela' ka je siwoyejyin'ni, ka woyena'a 'ate awone japo Judíojos ti kiak awone, ti awo'ate, “Siunie jajiojwi ja ke a'yakanayi.”

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 7:34

Ja siwoyejyin'ni, 'yina ja ke si'wena', kajeyepa ti ja ke 'najanayi pi janiwonayi ka joyeyi siunie jayi'i.

Juan 8:21

Jesús iyonayi'iji 'ate japo i'nio': —Jayik, siuti asa'am ja siwoyejyin'ni, ja i'wanjliyejyi ni aske' ka inetianatie. Siunie jajiojwi je 'najanayi paka wonayi ka ajoyeyi.

Romanos 10:3

Jlam'ne nakata jla'am ni Sinia' ti ilisajne'n napo i'nio', 'yina ti Israel jika kia'lis je 'yijene paka wonisi naka, sekyi'i ijwilayis ka niwakaye ka 'esieyisi siuniwa iyoyi, jak je iyoyiji ka iwoyisi ka ininekiaj'lisi ni Sinia' ti nakaye ti ja 'esieyisi.

Colosenses 1:29

Tempi it'imina siuti ya'am wuj ti akijme'n, 'yina je lajk'i ni siunie Sijwajieti jijweye ti iwink'i'm, it'iminayi pet ti ijwiye po'.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

2 Pedro 1:10

Ijiatjliyi 'napo i'lijwas, ti asa'am ti Sinia' ta'nase jla'yi ti isi'mase, 'esiji ka katatayi niwaka, lesanayiji. Siuti kiak jawoyeyi, je pajna'a ka leyeyi ti janoyik'i ni Sinia' ji'niayi.