Lucas 13:13 - Sinia' Jlamtis 1994

¹³ Jikioye yinatk'ipe ape'e, je yi' jlomayi ti 'esiet'ipi japa i'nioki, 'esieyiji ti tijna pijia'm. Sektaj'le ti iyunitiet'ipi pa Sinia'.

Lucas 13:13 Iomraidhean Croise

Mateo 9:8

Jlam jnots'inayijits'i'ni papo i'nio' ti i'winayis. Sekyi'i iyunitis'ne pa Sinia', siunie ti jlam ti iwijna'm pa yi'i pa ka kiak iwoyi ka lesane 'ate iyo niwaka.

Marcos 16:18

'Wanjliyijna'a pet ka inki'mik'i niwa injlajas 'yina ja lajak'ipa kanwone, 'wanjliyi 'neje ka ti'yayinaja siunie inkakie' ti i'nio' ilia'an, 'yina kia'iyo ja ke inlate. Siuti ja jikioye inenk'i ape'e napo je isis, kanjwayejempe.

Marcos 5:23

ti iyone 'ate ti wuj ti inip'elisine: —Yase' jlaja je pi i'niokiyeyi. Nam kiu' wat ijyik'i. 'Esiji ka akioye e'n ape'e 'nakayeyi ti ja 'esie siu'neje ka 'wasana'.

Marcos 6:5

Pakayik'i'ne ti t'onie'e'ni kan'wenki'n paka k'iejliyeyi k'iye papo i'nio', pakatajimpe wek jla'am ti jikio' yink'i ape'e papo i'nio' ti ijwiejiete'n.

Marcos 8:25

Sekyi'i ti yikiajlayi'iji ti jikio' yi'n ape'e puwa jitiete, 'yina sekyi'i ti 'esieyiji ti i'yen ts'iji jitiej tojwak'i. 'Yina je pa iyoye 'ate ti je ijiat ka 'nakaj siupuwa ti i'yenk'i'ni, lapakawo ti 'es pa i'nio'.

Lucas 13:12

Ti Jesús i'winayi, tanat'iyipi, sekyi'i iyonat'iyijpe 'ate: —Jla'a i'nioki, jijwajyi ki iyo ki awet'ia.

Lucas 18:43

Je yiyi puwa ka jlomasa' pa talok ta'a t'ipi ti 'es pakayi, 'esieyiji ti i'yen kisie'e, yamk'i'ne pa Jesús siupi ijiojwi, jla'm iyunitjli pa Sinia'. Kia'iyojliyi siupapo i'winaja wikie'eyi ti iyunitis pet pa Sinia'.

Lucas 4:40

Ti kilie' 'yuyeta, wikie'eyi siupapo i'nio' je isis, ti jiliaye je ijwienjlik'i, tikiniejat'iyijipi pa Jesús. Ijwienjlik'i'ni papo ti jikioye yink'i ape'e, sekyi'i ijwiejiete'n.

Hechos 9:17

Ijiatjliyi Ananías yam'ne ti ijioyi ja Saulo siupa yi'i. Yiyi ti 'yuyeyi, sekyi'i jikio' yina ape'e ti iyone'ate: —Isiecha Saulo, Saka'niona Jesús, siunie ini'wenki'na'm ti jleji na a'nayi ti jlalasta ka ata'yi ilia'm, sijliu'wa 'nakajanena'a ka ekiajle ka 'wejne'n, jla'yi ti Sinia' jikimet ti 'es jampo'a.