Lucas 12:48 - Sinia' Jlamtis 1994

⁴⁸ Jlampet siunie ti je 'yijene paka wone, 'yina iyoyi ni je 'es, nak ja ke ijiatayiji ka tisiejek'i. Siunie wuj t'ipi japa tiwenaja'm, kiak jawo'ojyi pet ja wujwa japa jat'ajlaja. Siunie ti wuj ti intaj tiwomaja, nak ijiate ti ja talaskinaja pet.”

Lucas 12:48 Iomraidhean Croise

Mateo 13:12

Jak je iyoyiji siunie its'iuye siuniwa ajwe'el, Sinia' janwomeje k'iye pet siunie k'ie ni t'ajankijnieye iyo. Jlampet siunie ti je its'iuye, nak Sinia' jajnale'eje pet siunie ti jwamjla'a ti 'yijentaja pet.

Lucas 12:41

Yiyik'i wek pa Jesús ti kia'iyo, Pedro i'yasat'ijyimpe ti iyo'ate: —'Yaka'niona, siunie jlamtiyi, ¿samkatat'e ti jijniejietts'e'm ti kasjwe'el, ni'ne ka pajlata napo i'nio' ti jijwe'el?

Lucas 12:49

Jesús yine 'neje ape'e ti iyo'ate: —Ti ana'am, aname ajnat'e ni jwat. ¡Ka iyojlit'iyipa ka ink'a pijia'm ta'a!

Lucas 16:2

Jika anechiyas tani'ni pak i'nio', ijwijlam'ne ti iyo'ate, “Po' japo takajwejlank'i'ni ti ijwil je 'es ka akijme'n. 'Nakayi awojonk'iye ka 'wenkink'i'm siupa aka jlomas ji'wet ti jikimataja'n, sek jla'a ti jikijmen'nijiap.”

Juan 15:22

Je jlamtajas ka jitisa', ka je inia'am ti amti'yi, 'wenajlitieje ti ka yama ka itisa'. 'Nakayi lajk'ipa ka jitiej i'no'we, ka inip'onisi ki iyo niwa jloski'la.

Hechos 17:30

Ti pajk'i pa Sinia' yine'ate papo i'nio' siupa iniwonisi, 'yaka je wuj kan'ye'en. 'Nakayi je kia'iyo, 'wenajliyi ti iyo ka iwo jlosikis ink'iejyisa', wikie'eyi napo i'nio' yi' ape'e 'ni ajnat.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

1 Timoteo 1:13

Ijiate wuj ti je alesanataja pi Sinia', 'wena awo ti i'lijp'an je 'esijpe, ti ata'yi ilia'm kajeyepa ti sijwesieja'm. 'Yina ti jakayi ti lajk'iyi pa ka iyoyi ti je sitiant'ieje pi Sinia', wuj ti sip'elisi'n.

1 Timoteo 6:20

Timoteo, 'esiji ka lesaniji ni siunie Sinia' 'yaka ti je isiwita'a'm ti jawoyi. Ká ak'iuk'i'ni niwaka inamtis jiniliaja ti taj'l ape'e 'ni ajnat. 'Najane ti lajk'ipa ka 'esie ka intajleje, ni'ne ka niwakaye siuniwa wuj ti je isis iyone'ni 'ate napo i'nio' “'najankijnieye”.

Tito 1:3

Siuti yiyeyi janak jloma, jlam ti Sijwajieti, 'yakajanit ti ijiate ti jitiej iyomik'i'm siuniwa jlamtis ti iyo ka yamtiyi k'iye.

Santiago 3:1

I'lijwas, je 'esiji ka ijiatayi ka 'lojwa siunapo ti janiwojwana inka'neyasajnawosa', 'yina ti 'najanayi pi jiwonayi siuti sa'am ti 'eyasanaja'n napo i'nio' je ijiat ka Sinia' ke kas'ye'en siojona jloma ka netiejenie'e.