Lucas 12:43 - Sinia' Jlamtis 1994

⁴³ 'Esiet'itie pet siunie tiwonaja siunie i'nio' ti jika anechiyas i'wi'in ti 'nesata, kajeyepa ti iyoyi siupa ji'lij pa jika anechiyas.

Lucas 12:43 Iomraidhean Croise

Mateo 24:46

Iniope siunie jika anechiyas iyone, siunie jikawo ti yiyi ape'e ti iyoyi siunie jika anechiyas ijliuye kawoyi, ti 'nesata siupi tajli.

Lucas 12:37

Wuj wata'a ti tipejnik'i siunapo inkawos ti je imiak'iji'n ti 'nesata ni anechiyas. Ijiatk'i siunie ajwe'lase'm, 'yejne'n, je jwel ka anechiyas je intane, jan'yase ka intaye ape'e japa inak totieja ape'e, je jwel ka je jlama jla'am ti jansajiamk'i k'iye pi jlak puwa jika teti'l siuti jan'yekiujni'n.

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

Lucas 12:44

Ijiatk'i siunie jayo ti naka siunie inkawo ti 'es, je jwel ka anechiyas je inekiajle wikie'eyi siuniwa jikijmatis ji'wet'e kan'yenkina.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.