Lucas 12:4 - Sinia' Jlamtis 1994

⁴ “I'lijwas, jajwi'lase'm ti ja ke ijnots'inayi siunapo i'nio' ti ijiate ti 'yijene ti ila'an pa, 'najata wek jla'am ti 'yijene pi iyone ti iliajne'n papo.

Lucas 12:4 Iomraidhean Croise

Mateo 10:28

Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.

Juan 15:13

Siunie inka'namankiye ti ijiate jla'am ti t'an pijia'm, naka na ti 'yakajli ti inilayiti ti jikie po' ape'e papo t'ajajnajwas.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 4:13

Siupapo anechiyasas ti i'wi'in japo Pedro ti t'otale t'o'n ti tamtits'iji'n, 'yina je jlase' pi iyo ti 'yakelit kajeyepa ti itiant'iejesi ti jwajla'a je 'yijene japo i'nio'. Sekyi'i ti itijnisieyisi ti japok Jesús jla'yis.

Filipenses 1:28

Ká aninenayi 'ate siunie ti ja ke injweyeyi napo astajiejwas. Siunie ti kiak jawoyeyi, nak 'yakajanit ti jano'we ti jajnoyi siunie je 'es jiliayeja', 'yina jlampet ti asa'am jajwayejyi'n. Naka pet ti tajle pi Sinia' siunie iyo'nase.

Santiago 2:23

Sekyi'i ti yiye kisie'e pi iyot'iyipi pa Sinia' ti yi'i ni ji'wet ti iyo'ate, “Abraham je 'yakakiu pa Sinia', it'imina ti Sinia' jla'am yi'ne ti naka ti ya'm ape'e ti 'es”. Jla'yi ti kiak tiwonaja 'niji 'ate Sinia' t'ajajnajwa.

1 Pedro 3:14

'Wanjliyi ka kiak awoyeyi ti jane'ase ni asjlak'ali 'yina ti jiwoyeyi ni 'es, ijiate Sinia' janoye'ase'm jamp'elisina'. Ke ijnots'inayi paka k'iejliyeyi. Ká awoye asjlak'aliye,

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.