Lucas 12:32 - Sinia' Jlamtis 1994

³² “Nijweyitie, asa'am ti iliajwasts'ase'm siuniwa 'wolepo' ti je in'lojwa, siunie Asna' wuj ti ipini'yase'm janwojwana anechiyasisa' ka awayetiejenie'e ni jika anechijiayas pet.

Lucas 12:32 Iomraidhean Croise

Mateo 14:27

Jesús kiak iyonayi ti ijliuyi'ni: —¡'Otale t'onitie. Ya'am, ke ijnots'inak'i'm!

Mateo 20:16

Jesús yine ape'e ti iyo'ate: —Kiak jawoyi, siunapo 'wanjlik'i isia'm ja nan'ni, jlampet siunapo inian'ni ja 'wanjliyek'i isia'm.

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 7:15

“Joskiyeyi siunapo je ijiat ka injwejlanawosa' ti ijwil ka intajlisi pa Sinia'. Ti jla'm initewitanisik'i niwa 'wolepo' ti isis, jlam'ne ki iyo niwaka, niwaka k'iwajlas niwa jwesis.

Lucas 10:21

Pakat'iyijpe ti Jesús wuj ti inkaj'ni, ka lajak'i ki iyo japa Sinia' jikimet ti 'es, ti iyoyet'ipi 'ate: —Awunit Inia' ti poli jla'yi 'ni ajnat jika'niona'a'm. Ji'wenkijna'm siunapo lajk'iyi pa kawo, ti je 'yijejne'n. Siuniwa wask'i'nelaja jijwekia'm napo i'nio 'yijejne'n, siu'neje napo i'nio 'yijen jlosiki. Ijiate 'ni Inia', kajeyepa ti jlam kiak jiwont'iyipi ka kiak inwoyi.

Juan 18:36

Jesús isiujlie ti iyo'ate: —Siunie tijnak'i'm ti awo anechiyasa' je tal 'ne ajnat'e. Siut'itie ka intal 'ne ajnat'e, jlam potie'ne papo ka ijnotiji'n ijyik'i ka je siwenis, je kia'iyotaja'ni ka sekiajlaja napo Judíojos. Siunie tijnak'i'm ti awo anechiyasa' je tal 'ne ajnat'e.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 20:29

Ts'ajane ta'a pa awone siuka yiktiejna'a ja'nes'ni napo i'nio' ti jawo'ate niwa k'iwajlas ti jwesis, ti jana'am jikiowe'e napo Sinia' jilis, ti jawo ka inetiajnat.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

1 Corintios 1:21

Kajeyepa siunie Sinia' ti 'yije'en, iyonayi ni iyone ti ijiate ti je yimink'i napo 'yijejne'n siunie iyo ni 'yijenisi pet, ka siunapo i'nio' yi' ape'e 'ni ajnat ka je 'najanisi, 'wanjliyi kan'wenis. 'Yina napokataja jla'am siunapo je takakiunisi niwa jlamtis ti iyo jlosik ink'ieye, ti je ijiulsijna'm ka 'esieyi niwaka jlamtis, 'nakayi ti janjwajyi'n, 'wanjliyi ka kia'iwo napo i'nio' ka je iwo lajaye naka inamtik.

Filipenses 2:13

'Yina Sinia' jla'am ti tajle siunie jiwoyeyi, siunie ti wuj ti 'es astankiujnieye, kajeyepa ti iyo ka emina' jla'yi ka woyeyi siunie ijliu'wase'm.

2 Tesalonicenses 1:11

'Yina nak it'imina ti je paj ka iliki ti awoki'ni ts'ajlaye astepe'e ti ajwelaja pa Sinia', ka Sinia' i'notata' kajeyepa jlam jla'm ti ta'nase. 'Esiji ka jijweye inejni wikie'eyi siunie 'es ti jawoyeyi, siu'neje ni askijmaye ti 'es ti jitiajlayiji ni astankiujnieye ti 'es.

2 Tesalonicenses 1:5

Naka ti 'yakajanit ti ijiate ti je niliak siunie Sinia' jikijmaye iyone, ti i'ye'en ni i'nio' siunie jitis iyoyi, ka ijiatayijijna'a ti ja as'nayi japoye yi'i ni ji'wet ti iyo anechiyasa', ti naka ti it'imina siunie iyo ti wuj ti janilayitieyi siunie jloma.

Hebreos 12:28

Awo'ate, siunie Sinia' iwints'e'm ni jika anechijiayas nak je paj pet ka'wesi. Ijiatayijia'm pa Sinia', 'yina 'yu'we ka kiak iyonaja siunie iyo ka tiwonaja, ti ja ijiunitie siu'neje ti ja ke kasjweye.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

2 Pedro 1:11

Sekjane'yi ka ijiatayijna'a ka 'ajla ask'ioye yi'i ni Saka'niona Jesús ti Sijwajieti, ti iyo anechiyasa', ti laj jlaja ti iyo anechiyasa'.

Apocalipsis 1:6

Siu'neje ti kaswojwa'n pet anechiyasisa', siu'neje ti kaswojwa'n Jinia' jika pa'yijisa'. ¡'Esiji ka ijnok'i'ni siunie jiwunitieye ti 'es, siu'neje ni jijweye ti ja tena'a! Amén.

Apocalipsis 22:5

Ja laja ajnaja'a, jak je iyoyiji siunapo sek janejyi ja ke jwesiejayisijyi'n k'iye japa katesa' ka inata'm ape'e, siunie kilie' kiak jawo ja ke insetianis, kajeyepa ti japoye ti jla'am ni Sinia' ti Saka'niona ni ja jlala ti janata'n ape'e. 'Yina jawoyeyisna'a anechiyasisa'a pet ti jajnok'i'ni.