Lucas 12:24 - Sinia' Jlamtis 1994

²⁴ 'Yejne'n, siuniwa t'isiukis je 'wena ka inkawijnajne'n, ni'ne ka inkima ni jlak ka ila'ne. Ka sek ine'yi ka injwosaja'm puwa jikapiskiye paka ipiatatiok t'ejes 'wanjle'e, ni'ne ka niwakaye ipiata jlo', siu'neje niwa ijia inkas, je ti'wena ka poye puwa jikapiskiye. 'Yina jlam jla'am pa Sinia' ti 'yakojniejne'n. ¡'Yejne'n ti asa'am, asja 'yaka'm ape'e niwak ajwejnas!

Lucas 12:24 Iomraidhean Croise

Mateo 3:12

Itiu'un siojopa jika a'la', ti jankiene ni ipiatatiok t'ejes 'wanjle'e ti 'wena jajnoti ni jop t'ejes ti ijlijni'ni. Janena'ana'a siupa jane'ne siupa ipiatatiok t'ejes 'wanjle'e ti 'es. Ja jlampet siuniwa jop ijlijni'ni ka intatajayijamna'a siunie jwat ti je paj ka 'no'me.

Mateo 6:26

'Yejne'n niwa ajwejnas. Je ji'wen kankawijnajne'n, je ji'wen'neje kanla'ne pa ka jiwomikie' ka wakajla ka ti'wena 'neje kawo jikapiskiye. Je iyojliyi ni Asna' ti yi' poliyi ti iwijna'm ni itiujw. Astaj enayi 'ate, asja'yaka'm ape'e niwak ajwejnas.

Marcos 6:26

Sekt'iyi'i'ni pak anechiyas ti itienkiun'ni jitienkiujnieye je 'esk'i t'eyit'e ka je inwejna'm siupa ti'yasane, lapakawo ti yine jitieyi'i papo ijia anechiyasas ti je iliakiyijk'i jiwek ti ijwijla'm siupa jan'yasane.

Lucas 12:18

Ti itienkiun'ni siupa jawoyi, sekyi'i iyo'ne 'ate, “K'iejliyeyi'ne ti ts'ajane siunie jayoyi. Jalie'nik'ina'a niwa ikapiski, sekjane'yi ka its'iosinitiajamk'ina'a ka yikialtak'ina'a pijia'm, ka ijiosajamna'a ni yak ti jalie'ne, siu'neje niwa isijmatis ijia 'neje.

Lucas 12:23

Siojona as'wasankiye laja 'yaka'm ape'e siunie jitiujw. Siunie 'ajwes 'yaka'm pet ape'e siunie jit'iuts'i.

Lucas 12:7

Asja ika'm ape'e niwak ajwejnas jilis. Jijwela' ka je 'najane paka wone niwa as'wole, je ijlie'en ti 'yijene pi iyone pa nojwa'm. Ke poye paka woyeyi ka k'iejliyeyi paka je injweyeyi.