Lucas 12:19 - Sinia' Jlamtis 1994

¹⁹ Ka kiak iyoyeyinie'e 'ate, ‘'Esiji, je jlase' 'ni a'we'en ti 'otat, ja 'lojwa puwa najkapis jajnolk'i, ka jiwekie'ejana'a ka no'we. Ja 'yakama ti ja'yekiu'n, jla'yi ti ja i'ya i'niati, siu'neje ti jayo iliakijnieyeja'.”’

Lucas 12:19 Iomraidhean Croise

Lucas 12:18

Ti itienkiun'ni siupa jawoyi, sekyi'i iyo'ne 'ate, “K'iejliyeyi'ne ti ts'ajane siunie jayoyi. Jalie'nik'ina'a niwa ikapiski, sekjane'yi ka its'iosinitiajamk'ina'a ka yikialtak'ina'a pijia'm, ka ijiosajamna'a ni yak ti jalie'ne, siu'neje niwa isijmatis ijia 'neje.

Lucas 16:19

Jesús itiujmat ape'e siu'nie ti taka'neyasa'n, ti iyo'ate: —Pojompe pa i'nio' inkaje', ka kia'iwo ka jiniliajaye siupuwa lotakijnies iyo 'wuyeye, wikie'eyi puwa jlomas ti iyo'ni jiliakijnieyeja', kia'iyojliyi ka wo'ate ka jiniliakiye siojopa jiliakijnieye ti ilisanataja.

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

1 Corintios 15:32

Je ijwienjliyiji ka je itie'ni ilia'm siunapo i'nio' yi' Éfesojo ti iyo'ate niwa k'iwajlas ti jwesis. Siut'itie ka ijiatayi ka je inok'i kisie'e siunapo 'yajle'n, ¿tent'i siupa ka 'yakajli, siukia kia'iyo ka je itiu'm iliame naka? Jlam je iyotaja siunapo ti iyo'ate, “¡Nisiama ja'yekiunie, jla'yi ti ja'yaki, jlam'ne siojona kajlomata ja kasno'we!”

Filipenses 3:19

Napok je ijiate ka je inojk'i'ni. Jlamis ti iyoyisi jika diosa' naka ti ijiate ti jitienkiujnieye yi'ne niwa wask'i'nelaja ti iyojonk'iye kan'wenis. Ka kia'iwo ka iwoyisi t'ajwejliye ni jike' ti iyoyisi. Jlam itimisjliyi niwaka, ti jitienkiujnieye yi'ne niwa wask'i'nelaja yi' ape'e 'ni ajnat.

1 Timoteo 5:6

Jlampet siojona ti ask'ilieki ti ininekiajle siuniwa iyo kawo ti itiliaja, ijiate a'wena ti jijweye poyeta ape'e ni ajnat, 'yina paka jla'am pi jlosik ti netia'n.

1 Timoteo 6:17

Awojonk'iye ka jwejla'm napoka i'nio' ti jwajla'a i'wi'in, ka wone'ate, “Ká anipajayi niwak askijmatis ti po', ti jijwela ka niwakaye ti injwajieta', 'yina siuniwa inkijmatis yi' ape'e 'ni ajnat, je t'o'n.” Ja jloye jla'am ka najataja jla'am ka jitiej iwomisie ni Sinia', 'yina ti jlam ti iwints'e'm wikie'eyi niwa wask'i'nelaja ti 'etsaka nakaye'eje ti yits'e ni sinikanitiejeye.

2 Timoteo 3:4

janlaki napo ijia; ti jank'emijietk'i; ja laja t'ajwejliye ti k'iejliyeyi pi janwoyi; janitoniti'n; janwoyi jla'am siupi itilia kanwoyi, jatojwayeyina'a ts'iji ni Sinia' kaneminis;

Santiago 5:5

Inkasayiji'n ti jleye ape'e 'ni ajnat, jla'yi ti jiwoye asamayi. Jiwoye'yi 'ate niwa ti k'iejlitie puwa ti yatis kajeyepa ti 'es ti ti'yekiujni'n. Jiwoye 'ate niwa wakiajas ti yiyi jana jloma ti ja tilianaja'm.

1 Pedro 4:3

'Etsaka ki siukia jiniwonayi iyo ni jike' siunapo i'nio' ti je itiant'ieje pa Sinia'. Jinisayeyi siunie aske', siuniwa ti inteliajayi jlam'ne je isis; jiwoye at'es jiwosa', jilisanayi jana aslakijnieye ti jikanitiejyi; jlam jloyejliyi siuniwa jiwunitie ti jiwoyeyi aska diosisa' ti niwaka ti ijiate ti je isis.

Apocalipsis 18:7

¡Wenajia'm ni siunie jijliak'ali siu'neje ni ka inilayiti jnojlietak'i ni siunie iyo ti jiwunitieye po' siunie iyo ti iniwunit, siu'neje ni iyo ti pa itiliaja ka iwo pak iyoyeyi! Kajeyepa ti siunie jikiowe iyone iyo'ate, “Siu'nie a'yijin'ni, lapakawo ti anechiyaskik'i'm, je askiliekik'i'm, laj ijliak'aliye.”