Lucas 12:18 - Sinia' Jlamtis 1994

¹⁸ Ti itienkiun'ni siupa jawoyi, sekyi'i iyo'ne 'ate, “K'iejliyeyi'ne ti ts'ajane siunie jayoyi. Jalie'nik'ina'a niwa ikapiski, sekjane'yi ka its'iosinitiajamk'ina'a ka yikialtak'ina'a pijia'm, ka ijiosajamna'a ni yak ti jalie'ne, siu'neje niwa isijmatis ijia 'neje.

Lucas 12:18 Iomraidhean Croise

Mateo 6:26

'Yejne'n niwa ajwejnas. Je ji'wen kankawijnajne'n, je ji'wen'neje kanla'ne pa ka jiwomikie' ka wakajla ka ti'wena 'neje kawo jikapiskiye. Je iyojliyi ni Asna' ti yi' poliyi ti iwijna'm ni itiujw. Astaj enayi 'ate, asja'yaka'm ape'e niwak ajwejnas.

Lucas 12:17

Siupa i'nio' itienkiun'ni ti iyo'ate, “¿Tepat'e jayo? Ti lajk'ipa kayi'ne ni yak ti jalie'ne, ti jalisa'n.”

Lucas 12:19

Ka kiak iyoyeyinie'e 'ate, ‘'Esiji, je jlase' 'ni a'we'en ti 'otat, ja 'lojwa puwa najkapis jajnolk'i, ka jiwekie'ejana'a ka no'we. Ja 'yakama ti ja'yekiu'n, jla'yi ti ja i'ya i'niati, siu'neje ti jayo iliakijnieyeja'.”’

Lucas 12:21

Jesús yiyik'i ti kiak t'ipa iyoyeyipi: —Kiak iyo siunie i'nio' ijios niwa jikijmatis siu'neje ni jlak. 'Yina Sinia' naka ti iyone'ate, “Wuj ti p'ijliusie.”

Lucas 12:24

'Yejne'n, siuniwa t'isiukis je 'wena ka inkawijnajne'n, ni'ne ka inkima ni jlak ka ila'ne. Ka sek ine'yi ka injwosaja'm puwa jikapiskiye paka ipiatatiok t'ejes 'wanjle'e, ni'ne ka niwakaye ipiata jlo', siu'neje niwa ijia inkas, je ti'wena ka poye puwa jikapiskiye. 'Yina jlam jla'am pa Sinia' ti 'yakojniejne'n. ¡'Yejne'n ti asa'am, asja 'yaka'm ape'e niwak ajwejnas!

Lucas 18:4

Jlampa je k'iejeyeyi'i pa i'ye'en napo jitis wus ti je i'yejne'n japak ask'ilieki, paj ti jitienkiujnieye kiak t'ipa iyonayipi 'ate, “Ya'am a'ne ti je sijliena'ni, je sots'ina pa Sinia', je awo lajaye napo i'nio'.

Lucas 18:6

Saka'niona yine ape'e ti iyo'ate: —Jlamtis kia'iyo pak i'ye'en napo jitis wus ti je i'nio'.

Santiago 3:15

Kajeyepa siunie 'najankijnieye ti kia'iyo, je tal Siniayi. Tajle ni i'nio' ni jitienkiujnieye jla'yi ti tajle jla'am ni imosik.

Santiago 4:13

'Nakayi k'iuyeyi'ne siu'nie, asa'am ti jiwoye 'ate, “'Nak janaja, ni'ne ka jlomata jane'yi japa ajnat jajioki. Najkap janjwanjli ti sek jawieki ti ja'yakawejnana, paj ka je jlasiyena'a japa ka 'yakajlaja wikiniet'aj”.

Santiago 4:15

Jlam'ne as'lej jota wonayi 'ate, “Ka Saka'niona iwotajanie'e, ja kas'wasanajanna'a. Sek jane'yi ka iyokie yinie'e pi jayoki, siu'neje jana jloma ti jana'am”.