Lucas 12:1 - Sinia' Jlamtis 1994

¹ Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 12:1 Iomraidhean Croise

Lucas 11:44

“¡Aswet'ia japoye asa'am ti Fariséojosts'ase'm! Ti jiwoye'ate niwa i'nio mases tenajats'i'ni ti je 'yakajk'i ape'e, t'asak'i'ni napo i'nio', jlam'ne ki iyo ni yiji ti insot.”

Lucas 12:56

¡Ijnoski'lanajyi'n! Ijiate 'najanayi ti ji'yena' siuniwa k'iejliyi ti 'lan poliyi, jla'yi ti 'najanayi pi jiwonayi siuniwa yi' pet ajnat'e, ¿yot'iyi'ni ka je 'najanayi paka wonayi siuniwa wask'i'nelaja siunie jawo niwa jlomas atayeje?

Lucas 5:1

Ti Jesús yi' kiuts'i siujlieja tewuk iliyi jle' iyo'ate Genesaret, ti 'loj papo i'nio' ti nojwisi ti iyo ka ink'iuyi puwa Sinia' jlamtis.

Lucas 5:15

Ijiatat'iyijpe ti tonitie pa Jesús, itijwaja'ni japa ajnat. Je pini' papo i'nio' ijioyi'ni kank'iuyi ti yamtiyi puwa Sinia' jlamtis, siu'neje ka injwajiete siupa jiliaye iyo.

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

1 Corintios 15:3

Ta'ape ti 'eyasanayi siunie ti kia'iyo akimpe ilia'm. 'Yina nak 'eyasanayijpe: ti Sijwajieti jla'am ti iniwe'n ape'e niwa sakeyis, pakayi ti 'ya'al, iyo niwa inamtis t'ipi ti yi'i ni ji'wet.

Hebreos 12:22

'Yina jlampet ti asa'am 'wenayi pet ni siunie jiniojwayiji, janaka pet siojona Sión ti kia'iyo tikijnaki ti jiniojwayiji, siu'neje jana isi' Sinia' ti je paj ka netia'n ji'wet pet, siojona Jerusalén ti yi' poliyi. Siu'neje ti jiniojwayiji siojopo injlojwajnas poli jlele ti je pini' ti iyunitie pi Sinia'

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 2:1

Naka'ne ti kiak awo'nase, leyeyi wikie'eyi siuniwa je isis, siunie ti jik'emijieta napo as'lejwas. Ká anitewijnatayik'i siunapo i'nio' ijwil kanses, ajolsinaye ke e'ne ni akiecha, ataj ká ajotie ni akiecha.