Lucas 11:7 - Sinia' Jlamtis 1994

⁷ “Jot'itie ka je iwo'ate kiu' pi akiechaye ka inkiuj'lia, ka into'm 'wuk kiajwe, “Se'nate. Ap'ojna'm 'ni ika 'wuk kiwet, ilis jla'yi ti ya'am amakk'iji'n, 'wanjliyi je akajli ka inippijia'm ka iwi'na'm ni jisitia'n.”

Lucas 11:7 Iomraidhean Croise

Mateo 25:10

“Yamat'i'nijpe ti iyoyisijyi'n pi t'e' puwa jika katese'l, jlampa 'nesat'ipi paka siupa its'iuyistajan'ni k'iye, paka pa janjwa'yi. 'Yina siupapo jlosie ijwienjli sikio' itij'we ti je isiwalijyi'n papoka'ne ti 'yuyisk'i kajeyepa ti i'winis k'iye. Sekyi'i ti tip'onajaja'm pa 'wuk kiwet, yiyisi' jla'am japak inlakijnieye.

Lucas 11:6

'Yijejnajwa ja awotajyin'ni paka intojw, lajk'iyi paka 'wi'in k'iye, je pajk'i ti 'nes.”

Lucas 11:8

“Awo'ate, 'wanjliyi ka injwe'el ka je i'ye'n ajelia'm 'yaka ajajnajwa, 'yina siuti ja ke aleyi ti ja'yasi'ni janeppijia'm ka we'na'm ni jisitia'n ti jit'iejla.

Lucas 13:25

Paj ka inamana'a ni jikimet jana 'wuk, sekjane'yi ka imp'onajamna'a ni 'wuk kiwet. Asa'am ti ja in'wanjliye kisie'e, ja anayek'ina'a wita'm, jawoyena'a 'ate, “'Yaka'niona, 'ajlinit its'ioye.” Ka woyena'a pet 'ate ti jankiuj'liase'm, “Je sitiant'ie'ase. ¿Tepi jitiajlajyi?”

Lucas 7:6

Jesús yamk'i'ne siupapo name siupa tokis jika anechiyas. Jlampa jet'ipa tojwayi'nijpe wata'a siupa ji'wet yi'i, ijliuyet'ipi ilia'm siupapo t'ajajnajwas ti ji'lij iwijna'm, ka iwone 'ate: —'Yaka'niona, ká anijlak'alinit'ni its'ioye, 'wanjliyi je 'yuk'i'm ka ajo kiajwe jlaja i'yuk.

Gálatas 6:17

'Nakayi ja lajak'ina'a pa ka intom'ni its'ioye, jla'yi ka siliakiyi. Siuniwa ijio'ni ijyik'i ji'wetis ki tiwonak'iji ti sajak'ni, 'yina niwaka ti 'yakajanit ti ya'am ti jikawok'i'm pi Jesús.