Lucas 11:41 - Sinia' Jlamtis 1994

⁴¹ Siuti jawoye 'wajieta' pa jane'yi pa, 'esijyi ka ijiatayiji ka intajle ni ajosik ti 'es, 'nakayeyipe ti ja 'esie siunie jawoyeyi.

Lucas 11:41 Iomraidhean Croise

Mateo 26:11

Napoka siunapo p'ijliusis jlajma kiak jawo ti jane'ni aska kiowe'e. Jlampet ti ya'am je itioyeyi'i its'ioye ti a'yasap.

Mateo 5:42

Siuti akiecha jant'ajla'm pa k'iejliyeyi ke ejna'm, siuti po' ni akiecha ti in'yaseje'n pi k'iejliyi pi iyo ka nekiaj'la pet kan'wenta ka pajata, wejna'm.

Marcos 7:19

Kajeyepa ti je ijiojwa'm ni jlosik ni i'nio', 'wenajliyi jla'am jana jits'i', sekyi'i ti ijliamayi. Jlam'ne Jesús nak ijwilata ti siuniwa inkas je niwaka ka int'emina ka je 'esie pa i'nio' ti itiujw.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 19:8

Sekyi'i pa Zaqueo takasit'ne ti iyonat'iyijpe 'ate pa Jesús: —'Yaka'niona, siu'nie jloma jajyiwitajna'm pet k'iye napo i'nio' p'ijliusis ni k'ie na a'we'en. Jlampet siojona ajale napo ti akajlan kiajwe, janak jayikiajle, ja'yakajmate wat ape'e siuti jajnojlits'i niwa jayikiajle.

Hechos 10:15

Pesiejat'iyi'iji siupa ina'lap ti iyo'ate: —Ká ajwel ka je 'esie siunie Sinia' pajk'i ti 'yotat.

Hechos 24:17

“Siukiwa najkapis yamts'iji, wuj ti askiujni'n ti atejwits'i niwa ajnatis, 'yina pa k'iet'iyik'ipe ti apilie'eje ika ajnate ti ekiajle japo i'lijwas siojokia ijiutis wita'm japo ijia ti iyo 'wajietiye. Sekyi'i ajo 'najla'wet wujwe ti ani'notatiji k'iye pa Sinia', iyo ki Moisés jika'neyasajnaye iyo ka tiwoki, jla'yi ti ekiajle siukia a'we'en pa Sinia'. Lajatak'iyipe papo i'nioye, jla'yi ti lajk'ipa k'iejliyeyi, ti iyo ti kijlami, ti jlam pak iyots'i'ni. 'Yina jlampa iyoyep'ampe 'ate siojopo Judíojos tal Ásiaja si'wenis'ne ti a 'najla'wete. Japoka'ne siojopo ti 'esiji'ne ti nam'ni ka injwelis siupa itiajlatisk'i'm ti tejeyis ijyilia'm.

2 Corintios 8:12

Jak je iyoyiji siuti ijiatk'i siunie jiwoyeyi siojopa jak'ieye japa jlenayi ti jlekiajle pa Sinia', 'yina janaka pet siojona i'wine'ni ilia'm. Ja ke in'yaseje'n siojona je 'we'en.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

Tito 1:15

Siunapo i'nio' ti 'esk'i ni jitienkiujnieye je ijwil ka jiniliajaye pet siupuwa i'wi'in. Jlampet siunapo ti takakiunisi kiwa Saka'niona jlamtis, je 'es ni jitienkiujnieye, kia'iyo pit ijwilis niwa wask'i'nelaja je isis. Tepa jawo ka kiak je iwo ti yamayi'i pet ni jitienkiujnieye jla'yi ni jlosik, ti wuj ti t'ojli.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.