Lucas 11:29 - Sinia' Jlamtis 1994

²⁹ Je nojwi papo i'nio' ti 'nes'ni ti ijioyi pa Jesús, sekyi'i Jesús kiak t'ipa iyonayipi: —Kat'ajayi'ne siu'napo ti ijiate ti je isis, itiejajam'ni siu'niwa jlomas. Iyotajasink'iye kan'wenis paka k'iejliyeyi paka ti'wenkinaja'm, 'yina ja ke kiechaye pa janakaye siunie iyot'iyipi pa Jonás.

Lucas 11:29 Iomraidhean Croise

Mateo 3:7

Je 'es jlam ti Juan i'wina ti 'loj papo Fariséojos, siu'neje papo Saducéojos ti kia'iyo iyo ka tiniejienaja'n. Sekyi'i iyonat'iyijpe 'ate: —¡Jiwoye'ate niwa injlajas! ¿Tempa i'neyasajnajyi'n ti ijwi'lase'm ti ja'yiltana k'iye ni Sinia' jiwak ni jana'm?

Marcos 8:38

I'nio' ni ja'najwelk'i ka sijwe'el, jla'yi ki iyo niwa yamtis jitieyi'i papoka i'nio' ti je isis yiji siu'niwa jlomas awak'i ti iyoyi ni jike', 'yina siunie I'nio' Jlas ti janapimet, ti siupi jit'iuni pi Jinia', siu'neje papo jijliujwajnas poli jlele ti isis ti janamik'i, kiak jawo ja'najwejle.

Lucas 11:16

Ijia papo iyo'ate ti ijyijlitis kajeyepa ti 'yakakiuyis: —Jejlitkiame kiu' ka'wenkints'e'm paka k'iejliyeyi, 'nakayeyijna'a ka je ikakiuk ti jijwe'el jitiajleje pa Sinia' ni ajweye.

Lucas 11:50

Naka'ne ni siunie Sinia' jantajlate napo i'nio' napo itiejajam'ni siu'nie jloma siupapo injwejlanawos t'ipi no'we ti tilianaja'n ti Sinia' k'iejlit'ipa 'yotatat'iyijpe 'ni ajnat.

Lucas 12:1

Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 9:41

Jesús iyo'ne 'ate ti isiujlie ti ipi'yayet'ipi ti kia'iyo: —¡Ijiatt'iyiji 'napo yi'ne ti laja astankiujnieyeja', jla'yi ti je insisie! ¿Jot'e ka k'ieyeyik'i'ni ka je itiaj'lasap, ka inilayit'iase? Namkiame kiu'ne pa as.

Juan 2:18

Siojopo Judíojos ti i'wina siukia iyo ja Jesús, iyoyis'ne 'ate ti i'yasisi'n: —¿Ten siupi ja'wenkints'e'm ti jawoyi, 'nakayeyijna'a ti ja kasts'ajane siunie jitiajle'e ni ajweye?

Juan 6:30

Iyo'ne 'ate japo i'nio': —¿Ten siupa ja'wenkints'e'm pa ja k'iejliyeyi ja 'nakayeyijna'a ti ja ke ikakiuk, siuti ja'wina? ¡'Wenkints'e'm siupi jiniwoni'ni!

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

1 Corintios 1:22

Siunapo Judíojos iyojonk'iye ka ti'wenkinaja puwa ka k'iejliyeyi siuniwa je yits'e japa ka jlomaye ka ti'wena, jlampet siunapo Griégojos itiliajasi pet ka 'najajne'n,