Lucas 10:7 - Sinia' Jlamtis 1994

⁷ “'Wuk siojopa jleye'yi ká atajlayi, kima'yi ilia'm pi k'iejliyi ti janwe'nase'm, siuti ja inkojnienajyi'n, ni'ne ka in'yayinajyi pi k'iejliyi. Lapakawo ti jlam je isijmi wek ilia'm ni i'nio siojona jikaja, kajeyepa ti isijme'n ni i'nio'. Ká ajlasayejap, siojopa 'wuk jloyeyi ká atajlayi, ká ekiajlajyi'ni puwa ji'wetis papo i'nio'.

Lucas 10:7 Iomraidhean Croise

Marcos 6:10

Ajnat pa jawaye'yi siupa jit'iuye'yi ka sek awayeye'yipe, paj ka awayeyets'ipe siojopa jloma janinenajyi, sek jane'yi ka ajlasaye'nipe.

Lucas 10:6

Siuti janapokaye siunapo i'nio' yijap ta'a ni inkamankiye, ijiate siunie inkamankiye jiwoyeyi ka aleyeyejap, ja'wanjliyejap. Siuti ja lajak'ipa ka inkamankiyeja' ka nejiap, ijiate siunie inkamankiye ni jikinieyijin'ni ja ke 'wanjliyejap, ka inapilie'asenie'e asa'am.

Lucas 9:4

Ja 'oye'yi pa ja 'oye'yi, ji'wet siupa jloyeyi, sek i'wanjliye'yijimpe, paj ka awayeyets'ipe siupuwa jlomas jininenajyi.

Hechos 16:15

Tiniejiena'ne, kiak iyojliyi japo ji'wet jlele. Inip'elisints'i ti kas salas'ni ti iyo'ate: —Siuti ja ijiatayi ti si'wena' ti awoyi ni inamtik, naja'ni 'eji'nase'm ka ijiok i'wite, sek 'wanjliye'yi kiunie'e. Je kaswen'ne.

Hechos 16:34

Sekyi'i ti yamayi 'wete ti 'yakojniejne'n. Wuj ti inkase'n jla'yi japo ji'wet jlele, kajeyepa ti ink'ie' siupa iyo ti ininekiajlis.

Hechos 16:40

Ti iniuyek'i kisie'e ti tajlis insat jiweje, sekyi'i tijnayisi siujlieja asejnia jle' iyo'ate Lidia, ti ijioyis ji'wete. I'win'ne japo ijia Sinia' jilis seka'a. Itime ti 'yakela, sekyi'i ijwilaja'm niwa Sinia' jlamtis sekyi'i ti yama'ni ti itimayisi.

Gálatas 6:6

Siunie i'nio' ini'neyasane niwa Sinia' jlamtis, 'esiji ka kia'iwo pit janekiajle ilia'm siuniwa isis kawoyi, ti janoyeje ni siunie jika anechiyas.

1 Timoteo 5:13

Ijwienjli yijnap'e niwa 'wukiu'ul ti yamk'i'ni, je iyo ka k'iejliyeyi paka inkima ji'wet'e. Je najata, jla'yi ti jitiej ijiutie papo ijia, ti k'iejliyita pa je lajts'e ini'notieyi pet, je paj ka 'esiek'i paka iwoyi.

2 Timoteo 2:6

Jlampet siunie inkijmayewo, kia'iyojliyi lajk'ipa ka intomik'i'ni ti iyo ka intojw siupuwa jla' puwa jiwomki, kajeyepa ti nak it'imina ti ini'net ti isijme'n.