Lucas 10:42 - Sinia' Jlamtis 1994

⁴² Jlam'ne ka ajwankit siunie atankiujnieye jawone. Jet'i ji'we'en jla'a María ti ijiate jla'am ti 'es siunie iyoyi, siunie tijna'yi ti lajak'ipa ka ijnale.

Lucas 10:42 Iomraidhean Croise

Marcos 8:36

¿Ma ja 'esieyi ni ka inkajli niwak wask'i'nelaja yi' ape'e 'ni ajnat, 'yina siuti kiak janwo janetia'n ti jla'am?

Lucas 10:39

Marta ji'yijnia jlaja po', jle' iyo'ate María, siujlieja ti yit'ijyin'nijpe 'niji jisietisi pa Jesús, ti its'iuye siupa ijwi'il, pakayik'i.

Lucas 11:1

Yit'iyipe pa jloma Jesús iyo t'ajlayeja' ts'e yi'i siupa yi'i. Jlampa itimayi, sekyi'i ijwienjli'ne siupa t'eyasanik ti iyone 'ate: —'Yaka'niona, kasts'eyasane pet ka iyok ts'ajlayeja', iyot'iyipi pa Juan ti 'yiyasajne'n papo t'eyasajnas.

Lucas 12:20

“'Yina Sinia' ijliuyi'ni ti iyo'ate, “¡'Ne'lia'm! Siu'nie ajnaj ja'na'al, siuniwa wask'i'nelaja jlents'e, ¿tempa ja jikimita'?””

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 16:2

Jika anechiyas tani'ni pak i'nio', ijwijlam'ne ti iyo'ate, “Po' japo takajwejlank'i'ni ti ijwil je 'es ka akijme'n. 'Nakayi awojonk'iye ka 'wenkink'i'm siupa aka jlomas ji'wet ti jikimataja'n, sek jla'a ti jikijmen'nijiap.”

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 8:18

“'Yejne'n ask'iote ká alanayi'i siunie jipe'yaye. I'nio' ni its'iuye siunie ajwe'el, Sinia' je ijiat ka je iwomeje k'iye ni k'ie ni 'yijene pet pi iyone. Jlampet siunie i'nio' ni je its'iuye ni ajwe'el, Sinia' je ijiat ka je ijnale siunie ijwilta ka ijiatayi ka 'najane.”

Juan 11:1

Pope ja i'nio' jle' iyo'ate Lázaro, isi' siujlieja Betania jlajak ji'wetis, siojopo jikitiawot María siu'neje jlaja Marta.

Juan 11:19

'Loj japo Judíojos ijioyi japo Marta siu'neje jlaja María ti jika ameyik poye, ti yapisi.

Juan 12:3

Sekyi'i'ne jlaja María ti yamayi siojo a'la' jlokiet'e' jle' iyo'ate nardo, ti jini inkajk'i, medio litro ti laja po'. 'Yilinayik'i jawa jisietis ja Jesús, sekyi'i itime ti ilijayik'i jawa ji'wole. Jini yapiliyeyijin'ni kiajwe jlaja 'wuk yiyis kiajwe.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

1 Corintios 13:3

'Wanjliyi ka iyo ka iwijna'm siuniwa isijmatis a'we'en napo p'ijliusis, 'wanjliyi 'neje ka iyo ka iyikial 'ni 'yajwes ka jwat ts'otieje'ni, siuti laj yimijnayeja', ijiate ti lajk'ipa ka ts'esi.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.