Lucas 10:25 - Sinia' Jlamtis 1994

²⁵ Siupapo taka'neyasane pak Moisés jika'neyasajnaye, ijwienjli'ne siupa ijioyi pa Jesús ti jankamtijniene, ti iyo ka ijnejlit, ti iyone'ate: —Inka'neyasajnawo, ¿tepat'e ka iniwontaja ka ya'm ape'e siojopa in'wasankiye ti laj jlaja?

Lucas 10:25 Iomraidhean Croise

Marcos 10:17

K'iejlijimpa iyoyeyipi kanek ja Jesús, ti yiyejenipi paka pa i'nio' ti t'osi'yi ape'e, t'akosjlete'l itiyeyijin kiajwe ti i'yase'n ti iyone 'ate: —'Ni ika'niona ti i'nes, ¿tepat'e ka iniwontaja ka yija'm pet jana i'wiesankiye ti t'o'n?

Marcos 10:3

Jesús isiujlie ti iyo'ate: —¿Ten siupa Moisés ijliuye'ase'm ka woyeyi?

Marcos 12:28

Sekyi'i 'nesajampe'eje pa ijwienjli siupapo taka'neyasane pak Moisés jika'neyasajnaye ti ijioyi ja Jesús, 'yina ti 'yijenayi pi iyone ti siupapo Saducéojos iniewitijin'ni, jla'yi ti je t'a'ni ti isiujlie papo ti i'yas'ni. It'imina'ne pet ti iyo'ate ti jlama pet ti i'yase'n: —¿Tepat'e yi'i pa siuniwa Sinia' jlamtis ti 'yaka'm ape'e niwa ijia?

Lucas 10:24

Jajwi'lase'm, 'lojjimpe papo injwejlanawos, siu'neje papo anechiyasas, ijialasista kan'wenis siuniwa iyo niwa ji'wena 'nakayi, 'yina je i'winis. Iyoyetajas ka impe'yayis, kia'iyojliyi je ipi'yayis.

Lucas 10:26

Jesús isiujlie ti iyo'ate: —¿Ten siunie ijwi'il ni Moisés jika'neyasajnaye? ¿Tepi iyo naka ti jlamtijie'n?

Lucas 18:18

Ijwienjli'ne siupa, papo anechiyasas t'ipi, i'yase'n pa Jesús ti iyo'ate: —Inka'neyasajnawo ti i'nes a'am, ¿tepat'e ka iniwontaja ka yiyi pet janak in'wasankiye ti laj jlaja?

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Juan 8:6

Lapakawo ti kiak iyotaja ka intajlatisie, it'imina ti kiak iyoyisi ti i'yasisi'n, jla'yi ti ijyijlitis. 'Yuye isia'm, sekyi'i ti ip'isina ni ajnat ti jijwuki isiene.

Gálatas 3:18

Siut'itie ka nak intajle ni Moisés jika'neyasajnaye iyo ka tiwoki siunie Sinia' iyo ka wents'e'm, je kiak iyotaja'ni pet ka poye niwak jlamtis pi Sinia' ti iyo'ate, “Jawi'na'm”. 'Yina lapakawo ti Sinia' pajk'i ta'a ti iwijna'm pi ji'lij pa Abraham ti ijiate ti ilisaniji, ti kiak iyone ti ijwijla'm ti iyone'ate, “Jawi'na'm”, it'imina'ne ti jla'm iwinayija'm jiwek.