Lucas 10:24 - Sinia' Jlamtis 1994

²⁴ Jajwi'lase'm, 'lojjimpe papo injwejlanawos, siu'neje papo anechiyasas, ijialasista kan'wenis siuniwa iyo niwa ji'wena 'nakayi, 'yina je i'winis. Iyoyetajas ka impe'yayis, kia'iyojliyi je ipi'yayis.

Lucas 10:24 Iomraidhean Croise

Mateo 13:16

“Jlampet ti asa'am, siunie ti 'es ti imp'elisienajyi'n yi'ase, kajeyepa ti t'eki ape'e siupa ip'ionk'i ape'e niwa astate, ask'iote tiojwa'l 'alk'iji'n.

Lucas 10:23

Tejeyet'iyipi japo t'eyasajnas ti 'najli siupa yiyits'i, iyone'ne 'ate: —Sinia' jikap'ijliuskiye yi'ne siupapo i'wi'in siunie iyo pet ni ji'wena'.

Lucas 10:25

Siupapo taka'neyasane pak Moisés jika'neyasajnaye, ijwienjli'ne siupa ijioyi pa Jesús ti jankamtijniene, ti iyo ka ijnejlit, ti iyone'ate: —Inka'neyasajnawo, ¿tepat'e ka iniwontaja ka ya'm ape'e siojopa in'wasankiye ti laj jlaja?

Juan 8:56

Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 11:39

'Yina wikie'eyi papoka ti ijiatt'iyijpe ti itienkiunisi pa Sinia' ti je 'yakakiuyis, 'yina 'yejne'n siunie jayoyi ti, 'wanjliyi Sinia' ijiatataja ti itime siupa ti je 'yakakiuyis, 'yina yot'iyi'ni ti kia'iyo ti Sinia' je yin jikiojyi siupa pajk'i ti ijwijla'm.