Lucas 10:2 - Sinia' Jlamtis 1994

² Iyonat'iyijpe 'ate: —Isajk'i siunie inwomik ja tiliena'a ti wakal, 'yina je 'loj siunapo jankima ti janla'ne. Jakajliete, 'ajlayi siunie jikimet ni inwomik, ka injlo' papo ijiaja 'nakayeyijna'a ka poye siunapo jankima ti janla'ne.

Lucas 10:2 Iomraidhean Croise

Mateo 20:1

“Siunie Sinia' jika anechijiayas iyoye 'ate siu'nie: Pojompe pa i'nio' ti k'iejli mot ya'am ti iyojon jikawosa', ti t'osijiap'ni pi jiwasok.

Marcos 13:34

Nakt'e 'yiniye siu'nie, ti po' siunie i'nio' iyo ka nek ti jajnoyi japa ajnat jikiecha ti tojwe, iniajnat ti ijliuye papo jikawos ka ijiatayiji kan'yena pa ji'wet, sekyi'i ti yikiajlayi pi jikijmaye pa iyo ka iwone ti ijwienkitamk'i'ni. 'Yina ijwijla'm 'ne pa 'wuk kiwet jiwo kan'yena pa 'wuk kiwet.

Marcos 16:15

Siupa ti iyone 'ate: —Maye'ni tejwa'yi ape'e 'ni ajnat, ti jajwelajia'm napo yi' ape'e siunie inka'niye ti ijwi'il niwa Sinia' jlamtis ti isis ti ijwil jana injwajieti.

Marcos 16:20

Sekyi'i yamat'i'nijpe ti ijioyits'i wikie'eyi puwa ajnatis ti iyoyi jika'niyeja' puwa Sinia' jlamtis ti isis. 'Yina Saka'niona iniuyeje, je lajk'i siupuwa iyo ti i'winki'n ti yisi'lietk'i papo i'nio', 'nakayi ti ja ti'wena ti ijiatk'i siukia iyo kiwa jlamtis.]

Lucas 9:1

Jesús ijiutiet'ik'ipe wita'm siojopo t'eyasajnas ti itijwa'm niwa sikioye times tom'niji, jijweye iwijnamk'i, jla'yi ti yikiajle ka inkajlisi pet ka inokiosk'i kisie'e puwa imose'l ti yijits'i papo i'nio', jla'yi ti ja injwajiete'n papo je isis.

Hechos 11:19

Jlampa titimajat'iyijpe pa Esteban ti tiliana, iyoyeyi siupa iyo papo i'nio' Sinia' jilis, ti wuj ti inilayiti, ti tejeye ilia'm siupa iyoyisi. Jak je iyoyiji'ni po' papo i'yiltan'ni 'niji yi'i japa Fenicia, ijia papo i'yiltane japa ajnat jle' iyo'ate Chipre, ijia papo ijio Antioquíaja. Yiyi siupa i'yiltanisi jlam ijwiljlijia'm puwa Sinia' jlamtis, papokata tijnayits'i papo Judíojos.

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 22:21

“Saka'niona isiulk'i'm ti iyo'ate, “Maj, kajeyepa ti ya'am ti jajliu'. Jajliu'wa siunapo i'nio' ji'wetis je jnanjliyi, ti je Judíojos”.”

Hechos 8:4

Ajnat pa yiyits'i siupapo i'yiltan'ni, jlam yamtiyisjliyi pa inka'niye ti 'es.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 15:10

'Yina lapakawo ti Sinia' ijiate ti sip'elisi'n it'imina ti awo injlojwanik'i'm; 'yina je ka sip'elisine wek, kajeyepa ti ya'm ijiate ti akijme'n. Aka'm ape'e siunapo ijia injlojwajnas, kia'awo akijme'n, 'wanjliyi je yamata ka yama siu'nie awoyi, Sinia' jikap'ijliuskiye naka jla'am ti iyoyi siu'nie awoyi ti akijme'n.

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

Filipenses 2:21

Lajk'ipa ka 'wi'in ka ijiatayiji kan'ye'en siunie tajle pit ni Sijwajieti, 'yina najataja jla'am siunie ti jla'am ti 'esi.

Filipenses 2:25

Jla'yi ti ajwel'ni 'esiji 'ni sikiecha Epafrodito ka nek ka ijno'wase. Jla'am ti iniuyijk'im'ni ti awoyeta yamtikie', jla'yi ti atayeta ilia'm niwa wask'i'nelaja je isis ape'e ni Sijwajieti. Jlampe'eje ti jijliuye ti namik'iji ki jwamjla'a ti jiniuyeyijk'i'm.

Filipenses 2:30

Je 'wena paka int'emina ti jota ka 'na'al, naka Sijwajieti jikijmaye. Ka kia'iwo ka iwoyi jijliak'aliye kan'ye'en ti poye ki jiwet'ia, 'wenajliyi ti 'es ti iniuyijk'i'm, siunie ti je yits'e japa jlomaye ti asa'am ka akajlajyi ka anoyeyijk'i'm ka woyeyi siunie iyoyi kajeyepa ti toj'wase pit ni jleyejyi.

Colosenses 1:29

Tempi it'imina siuti ya'am wuj ti akijme'n, 'yina je lajk'i ni siunie Sijwajieti jijweye ti iwink'i'm, it'iminayi pet ti ijwiye po'.

Colosenses 4:12

Askiecha Epafras, Sijwajieti jikawo pet, itijwi'lase. 'Yina jla'am ti ini'net'i astepe'e ti 'najlanayi'ni pa Sinia', ka je aleyeyi ka k'iuyeyi siunie Sinia' iyo ka woyi.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

1 Tesalonicenses 5:12

I'lijwas, anip'elisi'niase ka k'iuyek'i'm siunie jayo: 'esiji ka woye lajaye, k'iuyeyi siunapo yi' aska kiowe'e ti isimk'iji'n, siu'neje napo i'yena napo ijia Sinia' jilis, ti 'neyasanayi niwa Saka'niona jlamtis.

2 Tesalonicenses 3:1

'Najatajana'a, japo i'lijwas, 'esiji ka ts'ajlana'nipe ja 'nakayeyijna'a niwa Sinia' jlamtis ja ke inayena'a ti janeki'n ape'e 'ni ajnat, ka wujwana'a ka tiwok lajaye ka kia'iwo ka inetieje napo i'nio' jla'yi ti jankimits'i, kawoyena 'ate iyopi pet ti asa'am.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

Filemón 1:1

Ampey isiecha Filemón, a'm ti sa'yi'ni ti awoki niwa Sinia' jlamtis. Ya'am Pablok'i'm ti ajyi jla'a insat jiwe, Sijwajieti Jesús jle' ti it'imink'i, ya'am ti ip'isinik siu'nie, siu'neje 'ni sikiecha Timoteo.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Apocalipsis 2:1

'Yina iyone'ne 'ate: —'Ete'e siu'nie, sek jane'yi ka jloyeyinie'e siunie jijliujwanik pet siunapo Sinia' jilis yiji jana isi' Éfeso: “Jlamtis siojo ijwienjli sikio' itij'we times tom'niji jawa katese'l siuniwa yi' poliyi itiujmat 'niji jijweye ti isi'me, siu'neje ti yikiajlin'ni jikiowek'i siojowa ijwienjli sikio' itij'we times tom'niji katese'l ji'wetis ti wikinie maja ti 'najli.