Lucas 10:14 - Sinia' Jlamtis 1994

¹⁴ Janeyi janak jloma ti aswet'ia japoye, ti ja tisiejek'iase'm asam ja ijiatayiji ti aswet'ia janka'm ape'e siupa jiwet'ia iyot'iyipi siupapo yiji puwak isi'il t'ipi Tiro, siu'neje japa Sidón.

Lucas 10:14 Iomraidhean Croise

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 11:21

'Yina iyo'ne 'ate: —¡Asa'am ti as'wet jana Corazín, kia'iyojliyi ti asa'am pet ti as'wet jana Betsaida, aswet'ia japoye! Ka napokaye t'ipi jla'am siunapo yiji jana Tiro, siu'neje napo yiji jana Sidón, kan'wenis siuniwa iyo niwa ji'wena, kiak je iyotaja'ni jla'am, 'yina je k'iejets'i'ni jla'am ka iwo jlosikis ink'iejyisa'. Je kia'iyotaja'ni jla'am ka je 'nots'iji'n niwa ji'wuye siuniwa je isis, jla'yi ka tijlat intatis jitipe'e, ka 'nakajanit ti ilik'i ni jike' iyo, yapilisi ni Sinia'.

Juan 3:19

Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi.

Romanos 2:1

Siupet ti a'am, 'ni isiecha ti jiwoyi jitisa' pa akiecha pi k'iejliyi pi iyoyi, kiak jiwoyi ates po' pet, 'wanjliyi ka kia'iwo ka e' poye, ni'ne ka laja eye. Ijiate, siuti kiak jiwone ni akiecha ti jle'ne, 'yina kiak jiwoyi am am pet ti jiwo atesa', kajeyepa ti jiwoyi siunie iyoyisi.

Romanos 2:27

Jlampet ni siunie ti lajk'ipa ka tiwonaja ni t'ajwes ka t'isie'n jiwa tiliena'a, 'yina lapakawo ti iyoyi wek kiwa Sinia' jlamtis, 'yina kiaka ti jant'emi'nase ti astes japoye, ti asa'am Judíojosts'ase'm ti asa'am ti kiak tiwona'ase, ti 'assie'n jijwa'al tejwak'i, siu'neje ti yi'ase niwak Sinia' jlamtis, 'yina ti je woyeyi ni siunie iyo ka woyeyi.