Lucas 1:7 - Sinia' Jlamtis 1994

⁷ 'Yina laj jilisa', kajeyepa ti jla'am kia'iyo ta'a japa Elisabet ti je iyo jilisa', lapakawo ti kijilas.

Lucas 1:7 Iomraidhean Croise

Lucas 1:5

Pakajanijk'ipe ti Herodes yi'i ti iyo anechiyasa', siojopa ajnat Judea, 'yina po' pa i'nio' jle' iyo'ate Zacarías ti pa'yi, ti tajla'm napo i'nio' Abías ti pa'yijis. Siojopa jik'iemjla jle' iyo'ate Elisabet, tajla'm pet siupa i'nio' t'ipi Aarón.

Lucas 1:6

Wuj ti isisi'n jitieyi'i pa Sinia', jla'yi ti yamjliyi ti yame ki iyo kiwa Sinia' jlamtis, siu'neje kiwa iyo ka tiwoki pa Sinia', jak je iyoyiji ka poye paka injwe'el, ka k'iejliyeyi paka ijnotkina paka woyisi.

Lucas 1:8

Po' japa jloma ti Zacarías ti jlama pet ti isijme'n, ti iyo pa jikijmaye ti Sinia' ijniejiet'e pet.

Romanos 4:19

Abraham t'oni pijia'm siupi ti je 'yakakiu pa Sinia', 'wanjlit'iyijpe ti ijliena ka neyi japa cien puwa jika najkapis, je tojwa'a ka inleyi 'ni ajnat jlampa je isisieyi ti yam kijilats'e, siojopa jik'iemjla Sara ti je pa titijnisiejayi ka jilis poye.

Hebreos 11:11

Abraham 'yina ti je 'yakakiu pa Sinia', jak je iyoyi 'wanjliyi kijilata, siu'neje japa jik'iemjla kia'iyo kijilayeta, lapakawo ti Sinia' yikiajlayi'iji ti iyo jweyeja', jak je iyo jilis poye'eje. Lapakawo ti jitienkiujnieye ipijlaniti siupa Sinia' iyo, ijiatk'i.