'Yina wikie'eyi siupapo sekyi'i jlam jnots'inijits'i'ni. Iyoyet'iyispe 'ate ti iyunitis pa Sinia', kajeyepa ti jnots'ijnits'i: —'Nakap'ane ti sitiete i'wi'in siuniwa ti kassesi'liet.
Siupapo i'nio' ti i'winat'iyispe, wuj ti jnots'ijnits'i. Sektaj'le papo i'nio' ti iyunitisie pa Sinia', ti iyoyits'i 'ate: —¡Injwejlanik jiwo wuj 'ni a'wena ti yi' sikiowe'e! Kiak t'ipa iyoyeyisipi'iji 'ate: —¡Sinia' name 'napo jika kia'lis ti janoyeje!
Wikie'eyi papo ji'wet japa Éfeso, siu'neje papo Judíojos siu'neje papo je Judíojos, ti 'yijenayisi pa iyonisi paka, wuj ti je ijwijyits'i pakayi. 'Yina Jesús jle' yamaja'n ape'e na ajnat, ti tonitie.
Wikie'eyi papo i'nio' jnots'ijnits'i siupa iyo japo injlojwajnas, ti je yi'i japa ka jlomaye ka ti'wena siupuwa iyo ti a'tisk'iji'n, siu'neje puwa ti inia'an k'iye siupuwa ja'nakaj.