Lucas 1:6 - Sinia' Jlamtis 1994

⁶ Wuj ti isisi'n jitieyi'i pa Sinia', jla'yi ti yamjliyi ti yame ki iyo kiwa Sinia' jlamtis, siu'neje kiwa iyo ka tiwoki pa Sinia', jak je iyoyiji ka poye paka injwe'el, ka k'iejliyeyi paka ijnotkina paka woyisi.

Lucas 1:6 Iomraidhean Croise

Lucas 1:7

'Yina laj jilisa', kajeyepa ti jla'am kia'iyo ta'a japa Elisabet ti je iyo jilisa', lapakawo ti kijilas.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Hechos 2:25

Siupa anechiyas David t'ipi ti ijwi'il ja Jesús ti iyo'ate: “A'we'en ni 'Yaka'niona ti yi' ijiap, t'as yi'pe ti to'm ijwiyeje, ja ke k'iejliyeyi paka iwit'ia ka inek'i.

Hechos 23:1

Pablo jitiej itieteje'ni japo ti iyo'ate: —I'lijwas, atalk'i'ni jiwekie'e, atajlap'e ti 'nelanjie'e, awakieyi 'niji ti akama jiwek itieyi'i pa Sinia'. Kajeyepa ti lajk'i wekie'e pa ka iyo ka je 'esie ka itiej wujwayi'ni ka ts'ajwejle.

Hechos 24:16

Tempi it'imina ti akatattaja ka lajayi itisayi ilia'm pa Sinia', siu'neje napo i'nio'.

Hechos 8:21

Je tejeyi paka kia'iwo, jiwo ti je 'nes, Sinia' in'we'en.

Romanos 8:4

Sinia' jla'am ti kiak iyone, lapakawo ti iyota ka iyoki siunie inka'neyasajnaye iyotaja ka iyoki. Ijiatjliyi ja ke iyok'ne 'ate ti awoki siunie iyo ti sa'am ti i'niolts'e'm, 'yina jayoki'ni siunie yimink'i ka iyoki siojona Sinia' jikimet.

1 Corintios 11:2

Wuj ti ts'ajka'ase'm siunie jiwoyeyi, ti je paj ka inkiwaliyeyi'i siunie awoyipi ti a'yasap, siu'neje ti je liyik'i siunie iyo ti 'eyasanajyi'n.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

Filipenses 2:15

ja 'nakayeyijna'a ja asama siunapo Sinia' jilis ti lajk'ipa ka jitis iwo ka titiajlataja, jla'yi ti laj jikeyisa', jla'yi ti ja lajak'i paka nit'ojlinitieyi, isis jikiowe'e napoka i'nio' ti ijiateje ti je isis ape'e 'ni ajnat. Jawo 'ate iyo niwa katese'l ti yatamk'i ti yiji ni ajnaj,

Colosenses 1:22

'Nakayi ka lajak'i ki jiliaye iyo pi Sijwajieti ti 'ya'al nak i'nesieyi, 'yina Sinia' inekiajla' jikiajwe. Sekyi'i ti inlesana', 'yina laj ast'ojliye, siu'neje ti laj astesa' jitieyi'i.

1 Tesalonicenses 3:13

'Esiji ka ijiatayiji ka inoyeje ni astankiujnieye, 'nakayi ti ja asjweye japoye, 'nakayi ti ja insisie, jla'yi ti ja lajak'ipa ka k'iejliyeyi paka astes iwo jitieyi'i ti jlam pa Sinia', ka 'nesta pa Saka'niona Jesús, ti janapi ajnat'e ti ja jla'yisayisik'i papo jilis ti isis. Amén.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

1 Jn 2:29

'Esiji ti 'najanayi pi jiwonayi pi Sijwajieti ti tijnajyi jla'am. Kiak iyo'ni pet siunapo iyo ni 'es, je int'ayiji'n ti napok Sinia' jilis.

1 Jn 2:3

Siuti jayoki niwa Sinia' iyo kayoki, sekyi'i je kast'ayiji'n pet ti kastant'ieje ti jla'am pa Sinia'.

1 Jn 3:7

Japo ilis, ja ke inejna'a ts'e papo ka inkajmanats'iji'n. Siunie i'nio' ni iyo ni tijnajyi, je int'ayiji'n pet ti tijnajyi ni i'nio', iyo'ate iyo pi Sijwajieti Jesús ti tijnajyi.