Lucas 1:17 - Sinia' Jlamtis 1994

¹⁷ Jawo'ate iyot'iyipi pa injwejlanik jiwo Elías t'ipi, ti jijweye tiwenaja'm, ti janajne'n k'iye ni Saka'niona. Janekiajle wita'm napo i'nio' napo jilis; siunapo kakiujnietas janoyeyijna'a pet siunie iyo napo isis ti iyoyi ni 'es; kiak jawo ni jikijmayeja' ni Juan, ti janwakajlanit siunapo i'nio' janki'm ilia'm ni Saka'niona.

Lucas 1:17 Iomraidhean Croise

Mateo 11:14

'Yina siuti ja ke sakakiuye, kajeyepa Juan jla'am siupa Sinia' jijwejlanik jiwo Elías, ti lajk'ipa ka je 'najane ti ja'nes.

Mateo 14:4

Japak Juan je iwintajam'ne ti iyone'ate: —Wuj ti je 'esk'i siunie jiwoyi ti jleyi.

Mateo 3:3

Juan paka pa siupa ti Sinia' jijwejlanik jiwo Isaías ijwilt'ipi ti iyo'ate: “Jla'lap pa i'nio' ti pesieje ti to'm ape'e pa ajnat ti laj i'nioye'e ti iyo'ate, Wakajlanitie ni Saka'niona ni ja ji'niayija', jlajlats'i siunie ja ji'niayija' ti jajnajyi.”

Mateo 3:4

Siupuwa ji'wuye pa Juan puwak siujlie'e jikiayi kosoki po 'wole ti titietaja pijia'm ti tajakik'i; siupa iyo jika'wakie a'naj t'ipi, jlampet siupa itiujw inkayik pet siu'neje puwa kio'ol.

Lucas 1:16

Ja ke jlasiye napo Israel jika kia'lis napo janekiajle pa Saka'niona.

Lucas 1:76

Siuti a'am, yas, siunie e'e ti iyo'ate Jijwejlanik Jiwo pa Sinia' Wuj, kajeyepa ti a'am ti janajne'n k'iye ni Saka'niona, ti ja 'nakajlanit ta'a k'iye siunie jano'we.

Juan 1:13

Ijiatjliyi napok Sinia' jilis, 'yina je napoka napo i'nio' ka intajla ka jlama ka impojonit, jla'yi ka jitienkiujnieyeja' ni i'nio', 'wenajliyi jlam pa Sinia'.

Juan 1:34

“Pajk'i ti a'we'en 'naka i'nio'. Ya'am ti akajanit'i ape'e ti 'naka Sinia' Jlas.”

Juan 3:28

Asam'ne ti sipe'yaye ti awo'ate, “Je ya'am siunie Injwajieti Sinia' jijliujwanik, 'wenajliyi pet siunie isijmaye ti tiwenak'i'm ka niank'iye.”

Hechos 10:33

'Yina ta'a'ne ti akajlunk'i, 'esiji ti 'nak jle'yi, siu'nie awak'i, ti Sinia' kas'we'en. Awoktajank'iye ka pi'yak siupa jajwelts'e'm, pa Saka'niona iyo'naja.

Romanos 9:23

Siu'neje ti iyo ka 'wenkints'e'm siunie jijweye iyo ti 'es ti jla'am ti wuj. It'imina ti kasp'elisijne'n, 'yina ti pajk'i ti iwiakajlanit sik'ioye ka wiek'i naka.

Colosenses 1:12

Sekjane'yi ja inkasajyi'n, asnikanitieyi jawenayi pi Sinia', siuti jla'am ti inlesanats'i, ti itiejiete'n k'iye ka neye askiojyi siojona ti 'yotat k'iye siunapo jilis ti yiji nak kates jla'al.

2 Timoteo 2:21

'Yina kia'iyo ni i'nio' iyojonk'iye ka inkijmape'n ni Saka'niona, ti jla'am pa Sinia' itiejieta ka kia'iwo ti ilisa'n. 'Esiji ka initoskijiete ni siuniwa wask'i'nelaja ti je isis. 'Nakaye pet ti ja titiejieta niwa isis ka iwoyi jikijmayeja'.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

Apocalipsis 20:4

A'wen'neje siuniwa ji'wetis napo anechiyasas, 'yina siunapo yiyisijyi'n napoka ti Sinia' yikiajle ni jijweye kan'ye'en napo i'nio' siunie iyo. Sekyi'i a'wen'neje niwa jisiak'alis siunapo jlete'l tilienat'i'yijimpe ti titiajlataja naka ti je iliyi ti yame ki iyo niwa Jesús jlamtis, siu'neje niwa Sinia' jika'niye, siu'neje ti je iyunitis jaka pinitiok ka jitiej iwomisie, siu'neje ja jipe'el ti tewitanajak'i, siu'neje ka lajk'ipa ka inejyi siunie ti tiwok jijwukisa' ni jitiokiots'i, siu'neje ni jikio'. A'we'en ti 'wasanaja'neje mil niwa najkapis yiji ti iyoyis pet anechiyasisa', ti ijwienjli yiyisi'i ni Sijwajieti ti kia'iyo.