Lucas 1:13 - Sinia' Jlamtis 1994

¹³ 'Yina injlojwanik poli jlele iyone'ate: —Zacarías, jweyiti. Sinia' ipi'yayi ki iyo ki asts'ajlaye. Siojona ak'iemjla Elisabet jlas japoye. Jle' jawo'ate Juan siupa jajlasa'.

Lucas 1:13 Iomraidhean Croise

Mateo 1:21

Ja jlas japoye, siunie kia'le jle' jawo'ate Jesús. Kiak jle' jawo kajeyepa ti ja jlama ti janjwajiete'n napo jika kia'lis, ti janjwajiete ni jike'.

Mateo 14:27

Jesús kiak iyonayi ti ijliuyi'ni: —¡'Otale t'onitie. Ya'am, ke ijnots'inak'i'm!

Mateo 28:5

'Yina injlojwanik poli jlele ijliuye'ni japo asejnia ti iyo'ate: —Jweyitiejyits'i. Ts'ajane pi awone ti jak jiwoyetajyin'ni Jesús, ja tik'iejwata'a jlaja cruz.

Marcos 16:6

Siupa jwemik iyone'ne 'ate japoka asejnia: —Ke ijnots'ijnak'i'm. Jak jiwoyetajyin'ni ja Jesús Nazaret jlele siojo ti tena'a pijia'm 'neyek'i jlaja cruz. Lajk'ipa ka ine 'neye, iniu kisie'e tajli 'ni a'no'. 'Yenayi ni siunie tena'a 'neye.

Lucas 1:14

Ja ke jlasiye ni jawoyi ti ja inkaja'ni, ja ke amkataja jla'yi napo i'nio' wuj ti ja inkasaja'n ka inetiejenie'e.

Lucas 1:30

'Yina injlojwanik poli jlele iyo'ne 'ate: —María jweyiti, 'esieyi ka 'naka'a siunie jikap'ijliuskiye na Sinia'.

Lucas 2:21

Jlomas ijwienjli sikio' itij'we najape tom'niji puwa itijw isia'm, ti tiwokieyi ka t'isie'n jiwa jlas tejwak'i pa kia'le, siu'neje ti tiwokie jleye, tiwonaja'ne 'ate Jesús, siupa ine' injlojwanik poli jlele pajk'i ti ijwijla'm jlaja María ka kiak jleye pa jlas, ti je isiu'ujnienjli'ijyi.

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.