Juan 9:22 - Sinia' Jlamtis 1994

²² Siuti ji'lij kiak iyone japok jiniewot jak i'nio' lapakawo ti je ijwiye japo Judíojos, kajeyepa ti pajk'i ti inipe'yayis ti iyoyits'i 'ate, “I'nio' ni janwo'ate Jesús nak Injwajietiwo ti Sinia' jijliujwanik, nak ja tijliukiepe”.

Juan 9:22 Iomraidhean Croise

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 16:2

Awojlitieje ti japoye jana jloma ti ja ijnotiejak'i kisie'e ti ja intajlajayi kiajwe niwa 'najla'wetis. Ja'wena'ajyi ti japoye siojona jloma ti japoye napo ti asama ti ja tilianaja'm, siupapo janlanajyi'n janjwelis ka pakaye Sinia' ka inoyeje siupi iyo.

Juan 19:38

Pope ja i'nio' jle' iyo'ate José, Arimatea jlele, yamk'ijin'ni ja Jesús, 'yina inijweki kajeyepa ti je ijwiye japo Judíojos siojopo anechiyasas. Ijioyi'ni ja Pilato ti iyo'ate: —Ke enk'i'm ka yiki ki t'ajwes masa ki Jesús. Pilato iyo'ne 'ate: —Ijiatp'ane, mayi. 'Yina José yami'ni, sekyi'i ti yamayi.

Juan 20:19

Siukia jloma ti tajlaja'm, ti ajnaj, siupapo t'eyasajnas initaj'ne seka'a yi'i siujlieja 'wuk yiyis kiajwe, ti ip'ionisiamk'i jawa jika 'wuk kiwitawa, ti je ijwiyisink'iye siojopo Judíojos jika anechiyasas. Sekyi'i ti Jesús inikajanitie jikiowe'e japo t'eyasajnas, iyo'ne 'ate: —¡Kamaja!

Juan 7:13

Lapakawo ti je ijwiyisie japo jika anechiyasas, it'imina'ne ti inijwekisi ti jitiej ijiutisie.

Juan 9:18

Lapakawo ti je k'ask'i siukia iyo ti takakiunisi japo Judíojos, ti ijwilis ka je jakaye jak i'nio' ti talokpe, jla'yi ti takakiunisi ti i'wijne'n, it'imina'ne ti takajlunisi japo jiniewot.

Juan 9:21

'Yina siuti 'es jla'yi ni iyo ti i'wijne'n, nak janjwe'el ti jla'am. 'Yasa'ni, isijlijie'e, ja 'nakaj jla'am siupa janwo ti janijwe'el.

Juan 9:34

Sekyi'i kat'ajayi ti jwesis, iyonisi'ne 'ate jak i'nio': —Jlam'ne ki iyo ti k'iejli impoye, ake' tipoyi awa'm. ¿Jijwelt'e ka kasts'eyasajne'n? Yiyisik'i wekie'e ti kia'iyo, sekyi'i ti tijliukie.

Juan 9:35

'Yina Jesús t'ijieyi ti tijliuk jak i'nio' ja talokpe, siuti ini'wenayi'iji, sekyi'i iyone'ne 'ate ti i'yase'n: —¿Mi je kakiu siunie I'nio' Jlas?

Hechos 4:18

Jak je iyoyiji'ni tanajat'iyi'iji ti iyonisi 'ate: —Siunie jayona'a, siunie jiniwonayi ti jit'iyasanajyi'n napo i'nio' jla'yi ti jijwela' ni Jesús jle', ¡leyeyina'a!

Hechos 5:13

Ijia siupapo i'nio' isipe ka ijnoyisi, 'yina tonitie japo injlojwajnas.

Hechos 5:40

sekyi'i ti tanajat'iyipi japo injlojwajnas ti ja tak'ajaki'n. Sekyi'i tiwonaja'ne 'ate: —Leyeyina'a ti jletina pa Jesús, jla'yi ti jit'iyasanajyi'n napo i'nio'. Titimaja ti tilienajat'ijyits'ipe,

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.