Juan 9:16 - Sinia' Jlamtis 1994

¹⁶ Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.

Juan 9:16 Iomraidhean Croise

Mateo 12:10

Sekyi'i siojo i'nio' ti jikio' t'isie'n yi'liaja'. 'Yina japo i'nio' ti je iliyi ti iyoyisijyin'ni paka k'iejliyeyi ka intajlatisie, it'imina'ne ti kiak iyonisi ti i'yasisi'n: —¿Ma 'est'iyiji ka tenajaja siujlie'e jloma ti i'nio 'wanjlijyi'n, ka tijwajieta pa i'nio' ka je 'esie?

Mateo 12:2

Je 'esiji ti Fariséojos i'winayi, sekyi'i iyonisi'ne 'ate ja Jesús —'Yene siapo 'eyasajnas, iyoyisi siunie je 'esiji ka tiwoki janak jloma ti i'nio 'wanjlijyi'n.

Lucas 13:14

Jlam'ne pet siupa tijna'yi japa 'najla'wet ti i'yena jwesie'ne, kajeyepa ti itiajlata pa Jesús ti yiniji japak jloma ti i'nio 'wanjlijyi'n ti ijwiejiet japa i'nioki. Sekyi'i iyone'ne 'ate papo i'nio': —Siunapo iyojonk'iye kanjwajyi'n, ja ke inam'nipe ti yiyi siojona jloma ti i'nio 'wanjlijyi'n. Ijwienjli sikio' itij'we ijwienjli tom'niji jiwekie'e siuniwa jlomas 'esiji ka isimajajyi'n, niwak 'esiji ka nama'ni siunapo ti iyojyi'n ni jijwajieti.

Juan 10:19

Siojopo Judíojos ti ipi'yayisie ti kia'iyo, yikiajlayi'iji ti jlampa iyots'i'ni, 'yaka je ijniujlits'i.

Juan 14:11

Ke sakakiuye siunie ti ajwe'el ajyi ni Inia', jla'yi Jla'am yi' pet iwia'm. Ni'ne ka najataja ka je sakakiunieyi siuniwa iyo niwa a'wenki'n.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 5:10

Siojopo Judíojos ti i'winayis ti its'iewijin'ni jawa jlotikiwa, sekyi'i ti iyonisi'ni 'ate: —'Yejne'n, siujlie'e jloma awaki jla'ak jloma ti je 'esiji ka atejliajan'ni ni ajotik.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 6:52

Siojopo Judíojos, ti ipi'yayis ti kia'iyo, yapiliek'i wita'm ti iniewit. Iyoyis'ne 'ate: —¿Tepa t'e janiwone ti ijwi'il, janwents'e'm ni t'ajwes ka tiuwa?

Juan 7:12

Jle' po' wat ja Jesús, ti intaj totieje. Po' japo iyo'ate ti ijwilis, “I'nioyi jaka.” Po' japo iyo'ate, “Je 'es, 'yakajmank'iji'n napo i'nio'.”

Juan 7:23

Jlam'ne pet ti asa'am, ti je woyeyi ka akama'yi ape'e, naka iyo ni Moisés jika'neyasajnaye, sekyi'i ti je woyeyi ka akamaye'yi ilia'm napo kia'lis ti kiak jiwonayi ti t'isienis jijwa'al jlewaja'yi ti ijniujliejam'ni janak jloma ti i'nio 'wanjlijyi'n. 'Yina jak je iyoyiji ka je iyoyi 'ate: ¿yot'iyi'ni jiat'eje ti jitiajlatak'i'm ti ajwajiet jaka i'nio' wikie'eyi jawa t'ajwes iyo, jakiak jloma ti i'nio 'wanjlijyi'n?

Juan 7:43

'Yina Jesús jla'am ti it'imina japo i'nio' ti tejets'i wita'am.

Juan 9:24

Japo Judíojos yikiajlayisi'iji ti tanisi jak i'nio' ja talokpe, sekyi'i iyonisi'ni 'ate: —'Yejne'n, sa'am awok'iate jike' po' pak i'nio'. ¿Tepi jiwo pet ti a'am? Ká ajwelts'e'm pi jiniliakie jitieyi'i pi Sinia'.

Hechos 14:4

Inik'isa papo i'nio' sek ji'wet'e. Po' papo iyo'ate: —'Esiji jla'am siunapo Judíojos ijwi'il. Ijia papo iyo'ate: —Jla'm ijiate jla'am napo injlojwajnas ti 'es ni ijwi'il. Jlam pak iyots'i'ni papo i'nio'.